മക്ക: മസ്ജിദുൽ ഹറമിലും മസ്ജിദുന്നബവിയിലും എത്തുന്ന തീർഥാടകർക്കും സന്ദർശകർക്കും സുഗമമായ യാത്രയൊരുക്കാൻ 'സ്മാർട്ട് ഇൻ്ററാക്ടീവ് മാപ്പ്' സംവിധാനം ലോഞ്ച് ചെയ്തു. ഇരുഹറം ജനറൽ അതോറിറ്റി സി.ഇ.ഒ എൻജിനീയർ ഖാസി അൽ ശഹ്‌റാനിയാണ് പദ്ധതി ഉദ്ഘാടനം ചെയ്തത്. തീർഥാടകർക്ക് ബുദ്ധിമുട്ടില്ലാതെ വേ​ഗത്തിൽ സേവനങ്ങൾ നൽകുന്നതിന്റെ ഭാഗമായാണ് ഈ പദ്ധതിയെന്ന് അദ്ദേഹം വ്യക്തമാക്കി. കൃത്യമായ വഴികൾ കണ്ടെത്താനും തടസ്സമില്ലാതെ സഞ്ചരിക്കാനും ഈ ഡിജിറ്റൽ സംവിധാനം വഴി സാധിക്കും.

ALSO READ: ജിദ്ദയിൽ മന്ത്രിസഭാ യോഗം ചേർന്നു; വിവിധ രാജ്യങ്ങളുമായി നയതന്ത്ര-സാമ്പത്തിക കരാറുകൾക്ക് സഊദി മന്ത്രിസഭയുടെ അംഗീകാരം

ഓപ്പറേഷൻ റൂമുകളുമായി ബന്ധിപ്പിച്ചിട്ടുള്ള തത്സമയ ഡാറ്റ ഉപയോഗിച്ചാണ് മാപ്പുകൾ പ്രവർത്തിക്കുന്നത്. തിരക്കുണ്ടാകുമ്പോൾ കൃത്യമായ വഴികൾ കണ്ടെത്താനും ഈ സംവിധാനം സഹായിക്കും. തീർഥാടകർക്ക് ക്യൂആർ കോഡിലൂടെ വഴി കണ്ടെത്താം. 650ലധികം ക്യൂആർ കോഡുകളാണ് ഹറമിൻ്റെ വിവിധ ഭാഗങ്ങളിൽ സ്ഥാപിച്ചിട്ടുള്ളത്. 13 വ്യത്യസ്ത വിഭാഗങ്ങളിലായി 950ലധികം പ്രധാന പോയിൻ്റുകളും മാപ്പിൽ അടയാളപ്പെടുത്തിയിട്ടുണ്ട്. സ്മാർട്ട് പ്ലാറ്റ്‌ഫോം വഴി ഇലക്ട്രിക് കാർട്ടുകൾ വേഗത്തിൽ ലഭ്യമാക്കാനും ഈ സംവിധാനം സഹായിക്കും. പദ്ധതി വരും വർഷങ്ങളിൽ കൂടുതൽ വികസിപ്പിക്കാനാണ് അതോറിറ്റി ലക്ഷ്യമിടുന്നത്.

The General Authority for the Care of the Two Holy Mosques has launched a smart interactive map system in Makkah and Madinah. Featuring 650+ QR codes and real-time route optimization, this digital initiative enhances spatial guidance and mobility for Umrah pilgrims and visitors.