കേളകം: സി.പി.എം ബ്രാഞ്ച് ഓഫിസിനു നേരെ കരിഓയില്‍ പ്രയോഗം. മണത്തണ ലോക്കലിലെ അയോത്തുംചാല്‍ ബ്രാഞ്ച് ഓഫിസായ ഇ.എം.എസ് സ്മാരക മന്ദിരത്തിനു നേരെയാണ് ഇന്നലെ പുലര്‍ച്ചെ രണ്ടോടെ ആക്രമണമുണ്ടായത്. ഓഫിസിന്റെ ചുമര്‍ പൂര്‍ണമായും കരിഓയില്‍ ഒഴിച്ച് വികൃതമാക്കി. പാര്‍ട്ടി പതാകയും നശിപ്പിച്ച നിലയിലാണ്. കുറ്റക്കാര്‍ക്കെതിരേ നടപടിയെടുക്കണമെന്നാവശ്യപ്പെട്ട് നേതാക്കള്‍ പേരാവൂര്‍ പൊലിസില്‍ പരാതി നല്‍കി.