തളിപ്പറമ്പ്: ലോകപ്രശസ്ത വന്യജീവി  വിദഗ്ധനും മൃഗസംരക്ഷകനുമായിരുന്ന സ്റ്റീവ് ഇര്‍വിന്റെ പത്താം ചരമവാര്‍ഷികത്തോടനുബന്ധിച്ച് മുതലപ്രേമികളുടെ കൂട്ടായ്മയായ ക്രോക്കഡൈല്‍ ലവേഴ്‌സ് ക്ലബിന്റെ ആദരം. പറശ്ശിനിക്കടവ് സ്‌നേക്ക് പാര്‍ക്കില്‍ അദ്ദേഹത്തോടുള്ള ആദരസൂചകമായി നിര്‍മിച്ച  പൂര്‍ണകായ ശില്‍പം  പാര്‍ക്ക് ഡയറക്ടര്‍ പ്രൊ. ഇ കുഞ്ഞിരാമന്‍ ഇന്നലെ സ്‌നേക്ക് പാര്‍ക്കില്‍ നടന്ന ചടങ്ങില്‍ പൂമാലയണിയിച്ച് ഉദ്ഘാടനം ചെയ്തു. സ്‌നേക്ക് പാര്‍ക്ക് സി.ഇ.ഒ അവിനാശ്, ഗിരിജ, വെറ്റിനറി ഓഫിസര്‍ ഡോ. അഹമ്മദ് സിയ എന്നിവര്‍ സംബന്ധിച്ചു. കുഞ്ഞിമംഗലം സ്വദേശിയായ ഷൈജു കണ്ണനാണ് ശില്‍പം നിര്‍മിച്ചത്. പറശ്ശിനിക്കടവ് സ്‌നേക്ക് പാര്‍ക്കിലെ മറ്റു ശില്‍പങ്ങളും ഷൈജു തന്നെയാണ് നിര്‍മിച്ചത്. താന്‍ നിര്‍മിച്ചിട്ടുള്ളതില്‍ വച്ച് ഏറ്റവും പ്രിയപ്പെട്ടത് ആറരയടി പൊക്കമുള്ള സ്റ്റീവിന്റെ പ്രതിമ തന്നെയാണെന്ന് ഷൈജു പറയുന്നു.