വാഷിങ്ടണ്‍: ഇറാനെതിരായ യുദ്ധം നാലാഴ്ചയോളം നീണ്ടേക്കാമെന്ന് യുഎസ് പ്രസിഡന്റ് ഡൊണാള്‍ഡ് ട്രംപ്. ഇറാനെ തകര്‍ക്കാന്‍ നാലാഴ്ച സമയം വേണ്ടിവരുമെന്നാണ് അമേരിക്കന്‍ പ്രസിഡന്റെ അവകാശപ്പെടുന്നത്.
 
'ഇറാന്‍ വലിയ രാജ്യമാണ്. ഈ പ്രക്രിയ പൂര്‍ത്തിയാക്കാന്‍ നാലാഴ്ചയോ അതില്‍ കുറവോ ദിവസം എടുക്കേണ്ടി വരും' ട്രംപ് പറഞ്ഞു. 

അമേരിക്കന്‍ സൈനികരുടെ മരണത്തിന് 'പ്രതികാരം' ചെയ്യുമെന്ന് പറഞ്ഞ യു.എസ് പ്രസിഡന്റ് ഇറാന്‍ ഭരണകൂടത്തിന് ഏറ്റവും വലിയ പ്രഹരം നല്‍കുമെന്നും ഭീഷണിപ്പെടുത്തി.  നമ്മുടെ സ്വന്തം സമയത്തിനും സ്ഥലത്തിനും സുരക്ഷ ഉറപ്പാക്കാന്‍ മാത്രമല്ല, നമ്മുടെ കുട്ടികള്‍ക്കും അവരുടെ കുട്ടികള്‍ക്കും സുരക്ഷ ഉറപ്പാക്കാന്‍ വേണ്ടിയുള്ള ഒരു വലിയ പ്രവര്‍ത്തനം യു.എസ് ഏറ്റെടുക്കുകയാണെന്നും ട്രംപ് അവകാശപ്പെട്ടു. 

ALSO READ: ലബനാനും ഇറങ്ങുന്നു; ഹൈഫയിലെ സൈനികത്താവളത്തില്‍ ഹിസ്ബുല്ലയുടെ റോക്കറ്റ് ആക്രമണം; ബൈറൂത്തില്‍ ബോംബിട്ട് ഇസ്‌റാഈല്‍| Israel, US Attack on Iran Live  
അവര്‍ ചര്‍ച്ച് വേണമെന്ന് ആവശ്യപ്പെട്ടു. എന്നാല്‍ ഈ ആഴ്ചയല്ല കഴിഞ്ഞയാഴ്ചയാണ് നിങ്ങള്‍ ചര്‍ച്ച നടത്തേണ്ടിയിരുന്നത് എന്ന് ഞാനവരോട് പറഞ്ഞു. ട്രംപ് വ്യക്തമാക്കി. 

ലോകം കണ്ടിട്ടുള്ളതില്‍ വച്ച് ഏറ്റവും സങ്കീര്‍ണ്ണവും അതിശക്തവുമായ സൈനിക ആക്രമണങ്ങളില്‍ ഒന്നായിരുന്നു ഇറാനിലേതെന്ന് ട്രൂത്ത് സോഷ്യലില്‍ പോസ്റ്റ് ചെയ്ത ഒരു വീഡിയോയില്‍ ട്രംപ് പറയുന്നു. ഒറ്റയടിക്ക് 58 നേതാക്കളെയാണ് വധിച്ചത്. ഇപ്പോള്‍ പോരാട്ട പ്രവര്‍ത്തനങ്ങള്‍ പൂര്‍ണ ശക്തിയോടെ തുടരുകയാണ്. തെഹ്റാന്റെ ഹൃദയത്തില്‍ അതിശക്തമായി പ്രഹരിച്ചുകൊണ്ടിരിക്കുകയാണ്. ഞങ്ങളുടെ എല്ലാ ലക്ഷ്യങ്ങളും കൈവരിക്കുന്നതുവരെ അത് തുടരും. രും ദിവസങ്ങളില്‍ അതിന്റെ ശക്തി കൂടും. ഞങ്ങള്‍ക്ക് ശക്തമായ ലക്ഷ്യങ്ങളുണ്ട്'- ട്രംപ് കൂട്ടിച്ചേര്‍ത്തു.

അതിനിടെ, ഇറാനിലെ ഇസ്‌ലാമിക് റെവല്യൂഷണറി ഗാര്‍ഡ് കോര്‍പ്സിന്റെ (ഐ.ആര്‍.ജി.സി) ആസ്ഥാനം തകര്‍ത്തെന്ന് അമേരിക്കന്‍ സൈന്യം അവകാശപ്പെട്ടു. 'പാമ്പിന്റെ വെട്ടി' സൈന്യം പുറത്തു വിട്ട പ്രസ്താവനയില്‍ പറയുന്നു. കഴിഞ്ഞ 47 വര്‍ഷത്തിനിടെ, ആയിരത്തിലധികം അമേരിക്കക്കാരുടെ മരണത്തിന് ഐ.ആര്‍.ജി.സി ഉത്തരവാദികളാണെന്ന് യുഎസ് സെന്‍ട്രല്‍ കമാന്‍ഡ് പ്രതികരിച്ചു. ആക്രമണം ഇറാന്‍ സ്ഥിരീകരിച്ചിട്ടില്ല. 

donald trump said the war could continue for up to four weeks while claiming that iran’s military headquarters has been destroyed amid escalating regional tensions