കൊല്ലം: ഹോങ്കോങ്ങിൽനിന്ന് സഊദിയിലേക്ക് പോകേണ്ട കപ്പൽ കൊല്ലത്ത് അടുപ്പിച്ചു കൊല്ലം: ഇറാനെതിരേ യു.എസും, ഇസ്റാഈലും തുടങ്ങിവച്ച ആക്രമണം ഗൾഫ് മേഖലയിലും വ്യാപിച്ചതോടെ ഹോങ്കോങ്ങിൽനിന്ന് സഊദി അറേബ്യയിലെ റാസ്തനുറ പോർട്ടിലേക്ക് പോകുകയായിരുന്ന സാകി വിഷൻ എന്ന ചൈനീസ് ചെറുകപ്പൽ യാത്ര തുടരാനാകാത്തതിനാൽ കൊല്ലം തുറമുഖത്ത് അടുപ്പിച്ചു. ഹോർമുസ് കടലിടുക്ക് കടക്കാൻ സാധിച്ചേക്കില്ലെന്ന ആശങ്ക ഉയർന്നതോടെയാണ് ചെറുകപ്പലായ ഓഫ് ഷോർ സപ്ലൈ വെസൽ കൊല്ലം തുറമുഖത്ത് അടുപ്പിച്ചത്. ഹോങ്കോങ്ങിൽ നിർമിച്ച് സൗദിയിലേക്ക് കൊണ്ടു പോകുകയായിരുന്നു ചെറു കപ്പൽ. ഇതിന്റെ ആദ്യ യാത്രയാണ് പാതിവഴിയിലായത്. 

ALSO READ: പശ്ചിമേഷ്യൻ സംഘർഷം: കറാച്ചിയിൽ കുടുങ്ങിയ മലയാളികൾ ഇന്ന് നാട്ടിലെത്തും

കൊല്ലം തുറമുഖത്ത് നങ്കൂരമിടുന്നതിന് കപ്പൽ അധികൃതർക്ക് സംസ്ഥാന, കേന്ദ്ര സർക്കാരുകൾ അനുമതി നൽകുകയായിരുന്നു. കസ്റ്റംസ്, ഇമിഗ്രേഷൻ ക്ലിയറൻസ് പൂർത്തിയാക്കി കപ്പൽ സുരക്ഷിത കേന്ദ്രത്തിൽ അടുപ്പിച്ചിട്ടുണ്ട്. ഇനിയും കപ്പലുകൾ അടുപ്പിക്കാൻ സൗകര്യമുണ്ടെന്നും കൊല്ലത്തേക്ക് മറ്റു കപ്പലുകൾ വന്നാൽ ഇപ്പോഴുള്ളത് പുറം കടലിലേക്ക് മാറ്റുമെന്നും യാത്രാ പ്രതിസന്ധി ഉണ്ടായതോടെയാണ് ചെറു ഓഫ് ഷോർ സപ്ലൈ കപ്പലാണ് കൊല്ലം തുറമുഖത്ത് എത്തിയതെന്നും ചരക്ക് കപ്പൽ അല്ലെന്നും പോർട്ട് അധികൃതർ അറിയിച്ചു.

The Chinese offshore supply vessel Zaki Vision, en route from Hong Kong to Saudi Arabia's Ras Tanura port, has anchored at Kollam port due to escalating tensions in West Asia. The vessel, carrying 12 crew members from the Philippines and Indonesia, sought shelter in Kollam after previously stopping in Kuala Lumpur and Colombo.