യു.എസിനും ഇസ്‌റാഈലിനും കനത്ത പ്രഹരം നല്‍കി ഇറാന്‍ നടത്തുന്ന ആക്രമണം രണ്ടു ദിവസം പൂര്‍ത്തിയാകുമ്പോള്‍ ഇരുപക്ഷത്തിന്റെയും സാങ്കേതിക ആയുധ ശേഷികളാണ് ലോകം ഉറ്റുനോക്കുന്നത്. അമേരിക്കയുടെ നാലു സൈനികര്‍ കൊല്ലപ്പെടാനിടയാക്കിയ ആക്രമണത്തിന് ഇറാന് കരുത്തേകുന്നത് അവരുടെ ആയുധങ്ങളാണ്.
ഓപറേഷന്‍ ട്രൂ പ്രോമിസ് 4 എന്ന പേരിലാണ് ഇറാന്റെ സൈനിക നടപടികള്‍. കഴിഞ്ഞ വര്‍ഷം ജൂണില്‍ ഇറാന്‍ ഇസ്‌റാഈലിനെതിരേ നടത്തിയതും ഓപറേഷന്‍ ട്രൂ പ്രോമിസ് ആയിരുന്നു. ഓപറേഷന്‍ റൈസിങ് ലയേണ്‍ എന്ന പേരില്‍ ഇസ്‌റാഈല്‍ തുടങ്ങിവച്ച ആക്രമണം പക്ഷേ ഇറാന്റെ കനത്ത തിരിച്ചടിയില്‍ പാളി. ഒടുവില്‍ യു.എസ് ഇടപെട്ട് വെടിനിര്‍ത്തല്‍ പ്രഖ്യാപിച്ചു.
ഓപറേഷന്‍ ട്രൂ പ്രോമിസ് 4 ല്‍ ഇറാന്‍ വൈവിധ്യമായ ആയുധങ്ങളാണ് ഉപയോഗിക്കുന്നത്. ആത്മീയ നേതാവും പരമോന്നത നേതാവുമായ ആയത്തുല്ല അലി ഖാംനഇ കൊല്ലപ്പെട്ടതും. 50 ലേറെ കുട്ടികളെ കൊലപ്പെടുത്തിയതോടെയുമാണ് പ്രതികാരമെന്ന നിലയില്‍ ആക്രമണം ശക്തിപ്പെടുത്തിയത്.
ഇറാനില്‍ ഇത്തവണ ആക്രമണത്തിന് യു.എസും ഇസ്‌റാഈലും പേരിട്ടത് ഓപറേഷന്‍ എപിക് ഫ്യൂരി എന്നാണ്. കഠിനമായ രോഷം എന്നാണ് ഇതിനര്‍ഥം. ആദ്യ ദിവസം ഇസ്‌റാഈലിന്റെ ആക്രമണത്തിന് പെട്ടെന്ന് തന്നെ ഇറാന്‍ തിരിച്ചടി നല്‍കിയിരുന്നു. ഇറാനിലെ 32 ലൊക്കേഷനുകളിലാണ് ഇസ്‌റാഈല്‍ ആക്രമണം നടത്തിയത്. ക്രൂയിസ് മിസൈലുകളും ഷാഹദ് 136 ഡ്രോണുകളും ഉപയോഗിച്ചായിരുന്നു ആദ്യ ദിനത്തിലെ ഇറാന്റെ പ്രഹരം.
രണ്ടാം ദിനം ഖാംനഇ കൊല്ലപ്പെട്ടതോടെ ആയുധങ്ങളിലും ഇറാന്‍ മാറ്റം വരുത്തി. ഇമാദ് മിസൈലുകള്‍ ഉപയോഗിച്ച് കനത്ത നാശമുണ്ടാക്കി. ബെയ്ത്ത് ഷെമേഷില്‍ നടത്തിയ ആക്രമണം ഈ മിസൈല്‍ ഉപയോഗിച്ചായിരുന്നു. ആള്‍നാശവും ഇതോടെ കൂടി.
ഇറാനെ നേരിടാന്‍ കനത്ത സൈനിക സന്നാഹമാണ് യു.എസും ഇസ്‌റാഈലും മേഖലയില്‍ വിന്യസിച്ചത്. ഇതു മറികടന്നാണ് ഇറാന്‍ 9 രാജ്യങ്ങളില്‍ ഇസ്‌റാഈലിന്റെയും യു.എസിന്റെയും സൈനിക താവളങ്ങളിലടക്കം ഒരേ സമയം ആക്രമണം നടത്തിയത്.

 

 

ഇറാന്‍ ഉപയോഗിച്ച ആയുധങ്ങള്‍

* ബാലിസ്റ്റിക് മിസൈലുകള്‍ 
സിജ്ജീല്‍ (2000 കി.മി റേഞ്ചുള്ള മിസൈല്‍), ഖുറംഷഹര്‍ 4, ഇമാദ്, ഗദ്ദാര്‍, ഖൈബര്‍

* ക്രൂയിസ് മിസൈലുകള്‍
സൗമര്‍, പവേഹ്, ഹുവൈസേഹ്

* ഡ്രോണുകള്‍
ഷഹദ് 136 (പ്രധാനമായും ഉപയോഗിച്ചത് ഇതാണ്), ഷഹദ് 238 (ജെറ്റ് പ്രൊപ്പല്‍ഡ് സൂയിസൈഡ് ഡ്രോണ്‍)

ഇസ്‌റാഈലിന്റെ ആയുധങ്ങള്‍

* സ്‌റ്റെല്‍ത്ത് വിമാനങ്ങള്‍
റഡാറിനെ കബളിപ്പിക്കുന്ന യുദ്ധവിമാനങ്ങളായ എഫ്35 ഐ അധിര്‍, എഫ് 15 ഐ റആം

* മിസൈലും ബോംബുകളും
ബ്ലാക് സ്പാരോ (എ.എല്‍.ബി.എം), റാംപേജ്, ദെയ്‌ലിഹ, ജി.ബി.യു28 ബങ്കര്‍ ബസ്റ്റര്‍

* പ്രതിരോധം
ആരോ 3 (ബരിരാകാശ പ്രതിരോധം), ഡേവിഡ്‌സ് സ്ലിംഗ്‌സ, അയേണ്‍ ഡോം

അമേരിക്കയുടെ ആയുധങ്ങള്‍

ബി2 സ്‌റ്റെല്‍ത്ത് ബോംബറുകള്‍, യു.എസ്.എസ് അബ്രഹാം ലിങ്കണ്‍, യു.എസ്.എസ് ജെറാള്‍ഡ് ആര്‍ ഫോര്‍ഡ് വിമാന വാഹിനി കപ്പലുകള്‍

* മിസൈലുകള്‍
തൊമാഹാവ്ക് ക്രൂയിസ് മിസൈലുകള്‍, എസ്.എം3 ഇന്റര്‍സെപ്റ്ററുകള്‍

* ഡ്രോണുകള്‍
ലൂകാസ് (സ്വയംനിയന്ത്രിത ഏക ദിശാ ആക്രമണ ഡ്രോണ്‍) ഇതാണ് തുടക്കത്തില്‍ ഉപയോഗിച്ചത്. പിന്നീട് എം.ക്യു 9 റീപ്പറുകളും ഉപയോഗിച്ചു

ഇന്നലെ നതാന്‍സിലെ ഇറാന്‍ ആണവ കേന്ദ്രത്തില്‍ യു.എസ് ആക്രമണം നടത്തിയത് ബി2 സ്‌തെല്‍ത്ത് ബോംബറുകള്‍ ഉപയോഗിച്ചാണ്. ഇറാനിലെ ഭൂഗര്‍ഭ കമാന്‍ഡ് സെന്ററുകള്‍ തകര്‍ക്കാന്‍ ഇസ്‌റാഈല്‍ ഉപയോഗിച്ചത് യു.എസിന്റെ ജിബിയു 28 ബങ്കര്‍ ബസ്റ്റര്‍ ബോംബുകളായിരുന്നു.

ALSO READ: ഇറാനെ പ്രകോപിപ്പിക്കേണ്ടതില്ലെന്ന് ഗള്‍ഫ് രാജ്യങ്ങള്‍ക്കിടയില്‍ ആലോചന; ആക്രമണത്തിന് റമദാന്‍ മാസം തെരഞ്ഞെടുത്തതില്‍ സംശയം

As the conflict enters its second day, global attention has shifted to the sophisticated weaponry deployed by both sides. Following the deaths of four US service members, Iran has intensified its retaliation, fueled by the reported killing of Supreme Leader Ayatollah Ali Khamenei and significant civilian casualties.
Iran's Mission: Titled 'Operation True Promise 4,' Iran’s campaign follows a similar operation from last June.
US-Israel Alliance: Initially launched as 'Operation Rising Lion,' the offensive struggled under heavy Iranian counterattacks, leading to a temporary US-brokered ceasefire. The current renewed campaign is named 'Operation Epic Fury.'