കൊൽക്കത്ത: ടി20 ലോകകപ്പ് സൂപ്പർ 8ൽ വെസ്റ്റ് ഇൻഡീസിനെതിരായ മത്സരത്തിൽ സഞ്ജു സാംസണിന്റെ മിന്നും പ്രകടനമാണ് ഇന്ത്യക്ക് സെമിഫൈനലിലേക്ക് വഴിതുറന്നത്. വെസ്റ്റ് ഇൻഡീസിനെതിരായ നിർണ്ണായക മത്സരത്തിൽ അഞ്ച് വിക്കറ്റിനാണ് ഇന്ത്യ ജയിച്ചത്. 50 പന്തിൽ നിന്ന് പുറത്താകാതെ 97 റൺസെടുത്ത സഞ്ജുവിൻ്റെ ബാറ്റിംഗാണ് ഇന്ത്യയ്ക്ക് കരുത്തായത്. ഈ സാഹചര്യത്തിൽ അഭിനന്ദന പ്രവാഹങ്ങളാണ് സഞ്ജുവിനെ തേടിയെത്തിയത്. 

ഇത്തരത്തിൽ, സഞ്ജുവിനെ പ്രശംസിച്ചുകൊണ്ട് ഒരാൾ സോഷ്യൽ മീഡിയയിൽ പങ്കുവെച്ച പോസ്റ്റ് ഇപ്പോൾ വലിയ വിവാദത്തിന് വഴിയൊരുക്കിയിരിക്കുകയാണ്. സഞ്ജുവിനെയും വെസ്റ്റ് ഇൻഡീസ് താരങ്ങളെയും വംശീയമായി അധിക്ഷേപിക്കുന്ന തരത്തിലായിരുന്നു ഈ പോസ്റ്റ്. ഇത് ശ്രദ്ധയിൽപ്പെട്ടതോടെ പല ഭാഗത്തുനിന്നും കടുത്ത വിമർശനമുയർന്നു.

ALSO READ: ചരിത്രം! ഉയിർത്തെഴുന്നേൽപ്പിൽ സഞ്ജു ഇന്ത്യക്ക് സമ്മാനിച്ചത് പുതിയ ലോക റെക്കോർഡ്

അതേസമയം, വംശീയ പരാമർശത്തിനെതിരെ കോൺഗ്രസ് ശക്തമായി രംഗത്തെത്തി. "വംശീയതയ്ക്ക് ഭാരതത്തിൽ സ്ഥാനമില്ല" എന്ന് വ്യക്തമാക്കിയ കോൺ​ഗ്രസ്, സംഭവത്തിൽ നടപടിയെടുക്കണമെന്ന് കേന്ദ്രമന്ത്രി അശ്വിനി വൈഷ്ണവിനോട് ആവശ്യപ്പെട്ടു. കോൺഗ്രസിന്റെ ഇടപെടലോടെ സംഭവം ദേശീയതലത്തിൽ തന്നെ വലിയ ചർച്ചയായി മാറിയിരിക്കുകയാണ്.

 Sanju Samson's unbeaten 97 off 50 balls powered India to a thrilling 5-wicket win over West Indies, securing their spot in the T20 World Cup semifinals. His stellar performance has sparked a wave of praise and admiration.