കുവൈത്ത് സിറ്റി: കുവൈത്ത് ഭൂപ്രദേശത്തെ ലക്ഷ്യമിട്ട് നടന്ന ഇറാന്റെ ആക്രമണശ്രമങ്ങളുടെ ആദ്യ നിമിഷങ്ങളിൽ തന്നെ രാജ്യത്തിന്റെ സജ്ജതയും പ്രതിസന്ധി കൈകാര്യം ചെയ്യാനുള്ള ശേഷിയും തെളിയിച്ച് സിവിൽ ഡിഫൻസ് കേന്ദ്ര ഓപ്പറേഷൻസ് റൂം സജീവമാക്കി.

 

രാജ്യത്തിന്റെ സിവിലിയൻ-സൈനിക വകുപ്പുകൾ ഏകോപിതമായ ഘടനയിൽ, ഏകീകൃത നിയന്ത്രണ സംവിധാനത്തിനുകീഴിൽ പ്രവർത്തനം തുടങ്ങി. വിവിധ സർക്കാർ ഏജൻസികളുടെ പ്രതിനിധികൾ 24 മണിക്കൂറും ഓപ്പറേഷൻസ് റൂമിൽ നിയോഗിക്കപ്പെട്ട് സാഹചര്യങ്ങൾ വിലയിരുത്തുകയും പൊതുജനങ്ങളുടെ സംശയങ്ങൾക്കും റിപ്പോർട്ടുകൾക്കും മറുപടി നൽകുകയും ചെയ്യുന്നു.

 

രാജ്യത്തെ പ്രധാന റോഡുകളും നിർണായക സൗകര്യങ്ങളും നിരീക്ഷിക്കാൻ അത്യാധുനിക ഡിസ്‌പ്ലേ സ്ക്രീനുകൾ സജ്ജീകരിച്ചിട്ടുള്ളതിനാൽ സംഭവവികാസങ്ങൾ തത്സമയം നിരീക്ഷിച്ച് വേഗത്തിൽ തീരുമാനങ്ങൾ കൈക്കൊള്ളാൻ കഴിയുന്ന സാഹചര്യമാണുള്ളത്.

 

അപകടസാഹചര്യങ്ങളിൽ മൂന്ന് ഘട്ട സൈറൺ സംവിധാനം സജീവമാക്കിയതായി അധികൃതർ അറിയിച്ചു:

ജീവനും സ്വത്തിനും സംരക്ഷണം ഉറപ്പാക്കാൻ സിവിൽ ഡിഫൻസ് സംഘങ്ങൾ അതിവേഗം രംഗത്തെത്തിയതായും എല്ലാ റിപ്പോർട്ടുകളും ഉടൻ സ്വീകരിച്ച് നടപടിയെടുക്കുന്ന സംവിധാനമാണ് പ്രവർത്തിക്കുന്നതെന്നും അധികൃതർ വ്യക്തമാക്കി.

 

ഏത് സാഹചര്യത്തിലും രാജ്യത്തിന്റെ സുരക്ഷ ഉറപ്പാക്കാൻ പ്രതിജ്ഞാബദ്ധമായ ടീമുകൾ നിരന്തരം പ്രവർത്തിക്കുന്നതായി സിവിൽ ഡിഫൻസ് ഡയറക്ടറേറ്റ് വ്യക്തമാക്കി.

Following an attempted Iranian attack targeting Kuwaiti territory, the General Directorate of Civil Defense activated its central operations room immediately, demonstrating the country’s preparedness and crisis response capability. Civilian and military authorities began operating under a unified command system, with representatives from various government agencies monitoring developments around the clock. Officials confirmed that advanced monitoring systems are in place and that Kuwait remains on high alert, urging the public to follow official instructions.