വടക്കാഞ്ചേരി: സ്റ്റുഡന്റ് പൊലിസ് കേഡറ്റ് വടക്കാഞ്ചേരി സര്‍ക്കിളിന്റെ നേതൃത്വത്തില്‍ പുന്നംപറമ്പ് സെന്ററിലെ ടാക്‌സി ഡ്രൈവര്‍മാരെ ആദരിച്ചു. തങ്ങള്‍ക്ക് ലഭിക്കുന്ന തുച്ഛമായ വരുമാനം കൊണ്ട് നിരവധി ജീവകാരുണ്യ പ്രവര്‍ത്തനങ്ങള്‍ക്ക് നേതൃത്വം നല്‍കി സമൂഹത്തില്‍ മാതൃക തീര്‍ത്തതിനാണ് ആദരം. വടക്കാഞ്ചേരി ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ വെച്ച് നടന്ന പരിപാടി ജില്ലാ പഞ്ചായത്ത് വൈസ് പ്രസിഡന്റ് കെ.പി രാധാകൃഷ്ണന്‍ ഉദ്ഘാടനം ചെയ്തു.
തെക്കുംകര പഞ്ചായത്ത് പ്രസിഡന്റ് എം.കെ ശ്രീജ അധ്യക്ഷയായി. നഗരസഭ വൈസ് ചെയര്‍മാന്‍ എം.ആര്‍ അനൂപ് കിഷോര്‍, സ്ഥിരം സമിതി അധ്യക്ഷന്‍മാരായ എം.ആര്‍ സോമനാരായണന്‍, എന്‍.കെ പ്രമോദ് കുമാര്‍, കൗണ്‍സിലര്‍ പി.ആര്‍ അരവിന്ദാക്ഷന്‍, ആക്ട്‌സ് ബ്രാഞ്ച് പ്രസിഡന്റ് വി.വി ഫ്രാന്‍സീസ്, വ്യാപാരി വ്യവസായി ഏകോപന സമിതി പ്രസിഡന്റ് അജിത് കുമാര്‍ മല്ലയ്യ, എം.കെ ശിവദാസല്‍, ജയന്‍ കുണ്ടുകാട്, സി.ആര്‍ ദുര്‍ഗാദാസന്‍, കെ.പി സജയന്‍, സി.ആര്‍ പ്രശാന്ത് എന്നിവര്‍ പ്രസംഗിച്ചു.