കേരളത്തില്‍ സ്വര്‍ണവില ഇന്ന് കുത്തനെ താഴേക്ക്. പവന് 2,280 രൂപയാണ് ഇന്ന് കുറഞ്ഞിരിക്കുന്നത്. ഇതോടെ ഈ മാസത്തെ ഏറ്റവും താഴ്ന്ന നിരക്കിലെത്തി സ്വര്‍ണവില. 

മധ്യേഷ്യ യുദ്ധക്കളമായതോടെ 'സുരക്ഷിത നിക്ഷേപം' എന്ന പെരുമയില്‍ കഴിഞ്ഞദിവസം രാജ്യാന്തര വില ഔണ്‍സിന് 5,400 ഡോളറിന് മുകളിലേക്ക് കുതിച്ചുകയറിയിരുന്നു. എന്നാല്‍ ഇന്ന് സ്വര്‍ണവില 5,084.78 ഡോളറിലേക്ക് നിലംപൊത്തി. 5,157 ഡോളറിലാണ് നിലവില്‍ വ്യാപാരം തുടരുന്നത്. യു.എസ് ഡോളര്‍ ഇന്‍ഡക്‌സും യു.എസ് ട്രഷറി യീല്‍ഡും കുതിച്ചുകയറിയതും ലാഭമെടുപ്പ് സമ്മര്‍ദവും സ്വര്‍ണത്തെ വീഴ്ത്തുകയായിരുന്നുവെന്നാണ് നിരീക്ഷകര്‍ പറയുന്നത്. യുദ്ധം നീളുകയാമെങ്കില്‍ സ്വര്‍ണവിലയില്‍ വലിയ തകര്‍ച്ചയുണ്ടാവില്ലെന്ന് റിപ്പോര്‍ട്ടുകള്‍ വ്യക്തമാക്കുന്നു.  

ഇന്നത്തെ വില
22 കാരറ്റ് സ്വര്‍ണത്തിന് ഗ്രാമിന് 285 രൂപയാണ് കുറഞ്ഞത്. ഗ്രാമിന്‌റെ വില 15,080 ആയി. പവന് 2,280 രൂപ കുറഞ്ഞ് 1,20,640 രൂപയായി.