തെഹ്റാന്‍: ഇറാനിലെ പരമോന്നത നേതാവായിരുന്ന ആയത്തുല്ല അലി ഖാംനഈയുടെ പിന്‍ഗാമിയായി മകന്‍ മുജ്തബ ഖാംനഈ?. മുജ്തബ ഖാംനഈയോ രാജ്യത്തിന്റെ പുതിയ പരമോന്നത നേതാവായി ഇറാന്റെ അസംബ്ലി ഓഫ് എക്‌സ്‌പേര്‍ട്‌സ് (Assembly of Experts) തെരഞ്ഞെടുത്തതായി ന്യൂയോര്‍ക്ക് ടൈംസ് റിപ്പോര്‍ട്ട് ചെയ്യുന്നു. ഔദ്യോഗിക വൃത്തങ്ങളില്‍ നിന്നുള്ളതാണ് റിപ്പോര്‍ട്ട് എന്നാണ് ന്യൂയോര്‍ക്ക് ടൈംസ് അവകാശപ്പെടുന്നത്.
 
മുജ്തബയെ തെരഞ്ഞെടുത്തതായി ഇസ്‌റാഈല്‍ മാധ്യമങ്ങളും ഇറാനിയന്‍ പ്രതിപക്ഷ ചാനലുകളും  ചൊവ്വാഴ്ച പുലര്‍ച്ചെ  റിപ്പോര്‍ട്ട് ചെയ്തിരുന്നു, എന്നാല്‍ ഇറാന്‍ സ്റ്റേറ്റ് മീഡിയ ഇക്കാര്യം സ്ഥിരീകരിച്ചിട്ടില്ല.

ALSO READ: സഊദിയിലെ സി.ഐ.എ ആസ്ഥാനത്തിന് നേര്‍ക്ക് ഇറാന്റെ ഡ്രോണ്‍ ആക്രമണം; പതിച്ചത് രണ്ട് ഡ്രോണുകള്‍  

ഇറാനിലെ ശക്തമായ സൈനിക വിഭാഗമായ ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സിന്റെ (ഐ.ആര്‍.ജി.സി) സമ്മര്‍ദ്ദത്തെത്തുടര്‍ന്നാണ് മുജ്തബയെ പിന്‍ഗാമിയായി തെരഞ്ഞെടുത്തതെന്ന് അന്താരാഷ്ട്ര മാധ്യമങ്ങളുടെ റിപ്പോര്‍ട്ടില്‍ പറയുന്നു. മേഖലയില്‍ യു.എസ്-ഇസ്‌റാഈല്‍ ആക്രമണങ്ങള്‍ തുടരുന്ന പശ്ചാത്തലത്തില്‍, സുരക്ഷാ കാര്യങ്ങളില്‍ അതീവ ജാഗ്രത പുലര്‍ത്തുന്നതിന്റെ ഭാഗമായാണ് ഈ നടപടിയെന്നും റിപ്പോര്‍ട്ട് ചൂണ്ടിക്കാട്ടുന്നു.

ഇറാന്‍ രാഷ്ട്രീയ-സൈനിക തലങ്ങളിലെ കരുത്തുറ്റ സാന്നിധ്യം
ആയത്തുല്ല അലി ഖാംനഈയുടെ രണ്ടാമത്തെ മകനാണ് മുജ്തബ ഖാംനഈ. ദീര്‍ഘകാലമായി ഇറാന്റെ രാഷ്ട്രീയ-സൈനിക തലങ്ങളിലെ കരുത്തുറ്റ സാന്നിധ്യമാണ് ഈ 56കാരന്‍. 1969 സെപ്തംബര്‍ 8നാണ് മുജ്തബയുടെ ജനനം. പിതാവ് ആയത്തുല്ല അലി ഖാംനഈയുടെ ഓഫിസിന്റെ ഭരണം നിയന്ത്രിച്ചിരുന്നത് ഇദ്ദേഹമായിരുന്നു

ALSO READ: ' ഇറാന്‍ പ്രതിനിധികള്‍ 24 മണിക്കൂറിനകം ലെബനാന്‍ വിടണം' അന്ത്യശാസനവുമായി ഇസ്‌റാഈല്‍; ടെഹ്‌റാനിലും ബൈറൂത്തിലും കനത്ത ആക്രമണം, തിരിച്ചടിച്ച് ഇറാനും 

. ഐ.ആര്‍.ജി.സിയുമായി അടുത്ത ബന്ധം പുലര്‍ത്തുന്ന അദ്ദേഹം രാജ്യത്തെ സുരക്ഷാ-സൈനിക നീക്കങ്ങളില്‍ വലിയ സ്വാധീനം ചെലുത്തിയിട്ടുണ്ട്. ഇറാന്‍-ഇറാഖ് യുദ്ധകാലം മുതല്‍ സൈനിക കേന്ദ്രങ്ങളുമായി ഇദ്ദേഹത്തിന് ബന്ധമുണ്ട്.

1989 മുതല്‍ ഇറാന്റെ പരമോന്നത നേതാവായിരുന്ന അലി ഖാംനഈ കഴിഞ്ഞ ശനിയാഴ്ചയാണ് കൊല്ലപ്പെട്ടത്. 

reports suggest mujtaba khamenei, son of ayatollah ali khamenei, may become iran’s next supreme leader. here’s what we know about the succession speculation and its implications.