ദോഹ: ഖത്തറിനു നേരെ വീണ്ടും ഇറാൻ ആക്രമണം. ഇറാൻ തൊടുത്ത 10 ഡ്രോണുകളും രണ്ട് ക്രൂയിസ് മിസൈലുകളും തകർത്തതായി ഖത്തർ സായുധ സേന അറിയിച്ചു. രാജ്യത്തിൻ്റെ വ്യോമപ്രതിരോധ സംവിധാനങ്ങൾ അതീവ ജാഗ്രതയോടെ പ്രവർത്തിച്ചതിനാൽ വലിയൊരു അപകടമാണ് ഒഴിവായതെന്ന് പ്രതിരോധ മന്ത്രാലയം അറിയിച്ചു.

ഖത്തർ സായുധ സേനയുടെ വിവിധ വിഭാഗങ്ങൾ സംയുക്തമായാണ് ശത്രുനീക്കത്തെ പ്രതിരോധിച്ചത്. ആറ് ഡ്രോണുകളെ ആകാശത്തുവെച്ച് തന്നെ ഖത്തർ വ്യോമ സേന നശിപ്പിച്ചു. ഇതിനുപുറമേ രണ്ട് ഡ്രോണുകളും രണ്ട് ക്രൂയിസ് മിസൈലുകളും വെടിവെച്ചിട്ടു.

പരമാധികാരം സംരക്ഷിക്കാൻ സായുധ സേന സജ്ജം

ബാഹ്യ ഭീഷണികളിൽ നിന്ന് രാജ്യത്തിൻ്റെ പരമാധികാരവും അതിർത്തികളും സംരക്ഷിക്കാൻ ഖത്തർ സായുധ സേനയ്ക്ക് പൂർണ്ണ സജ്ജമാണെന്ന് പ്രതിരോധ മന്ത്രാലയം പത്രക്കുറിപ്പിൽ വ്യക്തമാക്കി. ഏത് തരത്തിലുള്ള ആക്രമണങ്ങളെയും നേരിടാനുള്ള അത്യാധുനിക വിഭവങ്ങളും സൈനിക ശേഷിയും രാജ്യത്തിനുണ്ടെന്ന് മന്ത്രാലയം ഉറപ്പുനൽകി.

ALSO READ: അപകടസ്ഥലങ്ങളിൽ കാഴ്ചക്കാരായി നിൽക്കരുത്; വീഡിയോ പകർത്തുന്നവർക്കെതിരെ നിയമനടപടി, മുന്നറിയിപ്പുമായി ഖത്തർ ആഭ്യന്തര മന്ത്രാലയം

പൊതുജനങ്ങൾക്കുള്ള നിർദ്ദേശങ്ങൾ

നിലവിലെ സാഹചര്യത്തിൽ പൗരന്മാരും താമസക്കാരും സന്ദർശകരും അതീവ ജാഗ്രത പാലിക്കണമെന്ന് മന്ത്രാലയം അഭ്യർത്ഥിച്ചു:

• ഔദ്യോഗിക നിർദ്ദേശങ്ങൾ പാലിക്കുക: സുരക്ഷാ അധികാരികൾ നൽകുന്ന നിർദ്ദേശങ്ങൾ കർശനമായി പിന്തുടരുക.
• വ്യാജവാർത്തകൾ ഒഴിവാക്കുക: സോഷ്യൽ മീഡിയ വഴിയോ മറ്റോ കിംവദന്തികൾ പ്രചരിപ്പിക്കരുത്.
• ഔദ്യോഗിക സ്രോതസ്സുകൾ: മന്ത്രാലയങ്ങൾ പുറത്തുവിടുന്ന ഔദ്യോഗിക വിവരങ്ങളെയും പ്രസ്താവനകളെയും മാത്രം ആശ്രയിക്കുക.

മേഖലയിൽ സംഘർഷം നിലനിൽക്കുന്ന പശ്ചാത്തലത്തിൽ അതീവ ജാഗ്രതയിലാണ് ഖത്തർ സുരക്ഷാ സേന.

Qatar Armed Forces said it intercepted 10 drones and two cruise missiles in a renewed attack allegedly launched by Iran. officials confirmed air defense systems neutralized the threats, with no immediate reports of casualties or major damage.