തെക്കുംതറ: അമ്മസഹായം യു.പി സ്‌കൂളിന്റെ ഒരു വര്‍ഷം നീണ്ടുനിന്ന സപ്തതി ആഘോഷ പരിപാടികളുടെ സമാപനവും പുതുതായി നിര്‍മിച്ച പ്രിപ്രൈമറി ബ്ലോക്കിന്റെ ഉദ്ഘാടനവും സി.കെ ശശീന്ദ്രന്‍ എം.എല്‍.എ നിര്‍വഹിച്ചു. പൂര്‍വ്വവിദ്യാര്‍ഥികള്‍ സപ്തതി ഉപഹാരമായി നിര്‍മിച്ചു നല്‍കിയ ശൗചാലയത്തിന്റെ ഉദ്ഘാടനം കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തളാ ഷണ്‍മുഖന്‍ നിര്‍വഹിച്ചു. വെങ്ങപ്പള്ളി ഗ്രാമ പഞ്ചായത്ത് പ്രസിഡന്റ് പി.എം നാസര്‍ അധ്യക്ഷനായി. സിനിമാതാരം കിരരാജ് മുഖ്യാഥിതിയായി. ആര്‍.എം.എസ്സ്.എ പ്രോജക്ട് ഓഫിസര്‍ ശിവപ്രസാദ്, സ്‌കൂള്‍ മാനേജര്‍ കെ കല്ല്യാണി തുടങ്ങിയവര്‍ ഉപഹാരം നല്‍കി. വാര്‍ഡംഗം സി ഉണ്ണികൃഷ്ണന്‍, ജുബിലി ചെയര്‍മാന്‍ വി ദിനേശ്കുമാര്‍, പി.ടി.എ പ്രസിഡന്റ് വി ജിജീഷ്, മാതൃസമിതി പ്രസിഡന്റ് പ്രസീദ സുനില്‍, സ്‌കൂള്‍ ലീഡര്‍ ഹസന്‍ മന്‍സൂര്‍, കെ സജിത് കുമാര്‍ സംസാരിച്ചു. ഓണാഘോഷത്തിന്റെ ഭാഗമായി വിവിധ മത്സരങ്ങള്‍, ഓണപൂക്കളം, ഓണസദ്യയും നടത്തി.