വാഷിങ്ടണ്‍: വാഷിങ്ടണ്‍ ഡിസിയിലെ യുദ്ധ സ്മാരകത്തിന് മുന്നില്‍ നൃത്തം അവതരിപ്പിച്ച ഇന്ത്യന്‍ വംശജരായ ദമ്പതികള്‍ക്ക് വിമര്‍ശനം. രണ്ടാം ലോക മഹായുദ്ധ സ്മാരകത്തിന് മുന്‍പില്‍ ചീത്രീകരിച്ച നൃത്ത വീഡിയോ ഇവര്‍ ഇന്‍സ്റ്റഗ്രാമില്‍ പങ്കുവെക്കുകയും ചെയ്തു. പിന്നാലെ ഇരുവരെയും വിമര്‍ശിച്ച് നിരവധി പേര്‍ രംഗത്തെത്തി. 

യുദ്ധകാലത്ത് മരണപ്പെട്ട സൈനികരെ അനുസ്മരിക്കുന്ന സ്ഥലത്തോടുള്ള ബഹുമാനക്കുറവാണ് വ്യക്തമാകുന്നതെന്ന് ചിലര്‍ അഭിപ്രായപ്പെട്ടു. അത്തരം പെരുമാറ്റം അമേരിക്കയിലെ ചരിത്രത്തെ ബഹുമാനിക്കുന്ന ഇന്ത്യക്കാരെ മോശമായി പ്രതിഫലിപ്പിക്കുന്നതാണെന്നും വിമര്‍ശനമുണ്ട്. 

ALSO READ: നിരുപാധികമായി കീഴടങ്ങണം, മറ്റൊരു ഒത്തുതീർപ്പിനും തയ്യാറല്ല; ഇറാൻ വിഷയത്തിൽ വിട്ടുവീഴ്ചയില്ലാതെ ട്രംപ്

'' യുദ്ധകാലത്ത് ദശലക്ഷക്കണക്കിന് ഇന്ത്യന്‍ സൈനികരും സേവനമനുഷ്ഠിച്ചിട്ടുണ്ട്. രണ്ടാം ലോക മഹായുദ്ധ കാലത്ത് ഇന്ത്യ 2.5 ദശലക്ഷത്തിലധികം സൈനികരെ അയച്ചു. എന്റെ മുത്തച്ഛന്‍ അവരില്‍ ഒരാളായിരുന്നു. അദ്ദേഹത്തിന് യുദ്ധത്തില്‍ പരിക്കേറ്റു. ഡിസി ഡബ്ല്യൂഡബ്ല്യൂ ഐഐ മെമ്മോറിയല്‍ ഒരു ഓര്‍മ സ്ഥലമാണ്. ടിക് ടോക് സെറ്റല്ല,' ഒരാള്‍ കമന്റ് ചെയ്തു.

An Indian-origin couple is facing criticism for performing a dance in front of the World War II Memorial in Washington, D.C. They shared the dance video, filmed at the memorial, on Instagram, after which many people criticized them.