കൃഷ്ണ: ആന്ധ്രപ്രദേശിലെ വീരവല്ലി സില്ല പരിഷത്ത് ഹൈസ്‌കൂളിൽ ക്ലാസ് മുറിക്കുള്ളിൽ വെച്ച് അധ്യാപകനെ പത്താം ക്ലാസ് വിദ്യാർത്ഥി മർദ്ദിച്ചു. ക്ലാസിനിടെയുണ്ടായ അച്ചടക്ക പ്രശ്നങ്ങളിൽ ഇടപെട്ട അധ്യാപകനും വിദ്യാർത്ഥിയും തമ്മിലുള്ള വാക്കുതർക്കമാണ് കൈയേറ്റത്തിൽ കലാശിച്ചത്. അധ്യാപകന്റെ നെഞ്ചത്തേക്ക് വിദ്യാർത്ഥി ഇടിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.

സംഭവത്തിന്റെ പശ്ചാത്തലം:

ക്ലാസ് എടുത്തുകൊണ്ടിരുന്ന അധ്യാപകൻ കുട്ടികളെ ശാസിക്കുന്നതിനിടയിലാണ് തർക്കം ഉടലെടുത്തത്. തർക്കം മൂത്തതോടെ പ്രകോപിതനായ വിദ്യാർത്ഥി അധ്യാപകന് നേരെ ആക്രോശിച്ചുകൊണ്ട് അടുക്കുകയും മർദ്ദിക്കുകയുമായിരുന്നു. കൂടെയുണ്ടായിരുന്ന മറ്റ് സഹപാഠികൾ കുട്ടിയെ തടയാൻ ശ്രമിക്കുന്നതും വീഡിയോയിൽ കാണാം.

वीरावल्ली हाई स्कूल का एक छात्र खुलेआम आगे बढ़कर अपने शिक्षक का सम्मान करते हुए देखा गया।

आज के समय में जब बच्चों में संस्कार कम होते जा रहे हैं, ऐसे उदाहरण सच में सराहनीय हैं। ऐसे बच्चों को प्रोत्साहन मिलना चाहिए ताकि शिक्षा के साथ-साथ अच्छे संस्कार भी समाज में मजबूत हों।

📍… pic.twitter.com/W2xZGLNyxo

— Dinesh Kumar (@DineshRedBull) March 6, 2026

വിദ്യാർത്ഥിയുടെ വാദം:

തർക്കത്തിനിടയിൽ അധ്യാപകൻ തന്റെ അമ്മയെക്കുറിച്ച് മോശമായ വാക്കുകൾ (അസഭ്യം) പറഞ്ഞതാണ് തന്നെ പ്രകോപിപ്പിച്ചതെന്ന് വിദ്യാർത്ഥി അധികൃതരോട് പറഞ്ഞു. ഇതോടെ സംഭവത്തിൽ നാട്ടുകാരും ഇടപെട്ടു. അധ്യാപകന്റെ ഭാഗത്ത് നിന്നുണ്ടായ സംസാരത്തെക്കുറിച്ചും അന്വേഷിക്കണമെന്ന ആവശ്യം ഉയർന്നിട്ടുണ്ട്.

അധികൃതരുടെ നടപടി:

സ്‌കൂൾ അധികൃതർ നൽകിയ വിവരത്തിന്റെ അടിസ്ഥാനത്തിൽ വിദ്യാഭ്യാസ വകുപ്പും പൊലിസും സ്ഥലത്തെത്തി. വിദ്യാർത്ഥിയെ പൊലിസ് ചോദ്യം ചെയ്യുകയും കൗൺസിലിംഗിന് വിധേയമാക്കുകയും ചെയ്തു. പത്താം ക്ലാസ് പരീക്ഷയ്ക്ക് തയ്യാറെടുക്കുന്ന പ്രായപൂർത്തിയാകാത്ത കുട്ടിയായതിനാൽ അതീവ ജാഗ്രതയോടെയാണ് പോലീസ് നിയമനടപടികൾ സ്വീകരിക്കുന്നത്.

സംഭവത്തിൽ സമഗ്രമായ അന്വേഷണം നടത്തി റിപ്പോർട്ട് സമർപ്പിക്കാൻ വിദ്യാഭ്യാസ വകുപ്പ് ഉത്തരവിട്ടു. റിപ്പോർട്ട് ലഭിച്ച ശേഷം അധ്യാപകനും വിദ്യാർത്ഥിക്കുമെതിരെ ആവശ്യമായ നടപടികൾ സ്വീകരിക്കുമെന്ന് ഉദ്യോഗസ്ഥർ വ്യക്തമാക്കി. പരീക്ഷാക്കാലത്ത് അധ്യാപകരും വിദ്യാർത്ഥികളും തമ്മിലുണ്ടാകുന്ന ഇത്തരം സംഘർഷങ്ങൾ വലിയ ആശങ്കയ്ക്ക് ഇടയാക്കുന്നുണ്ട്.