ബാംഗ്ലൂർ: ഓൺലൈൻ ഷോപ്പിംഗ് രംഗത്തെ പ്രമുഖരായ മീഷോക്ക് ആദായ നികുതി വകുപ്പിന്റെ നോട്ടീസ്. 2023-24 സാമ്പത്തിക വർഷത്തെ നികുതി ഇനത്തിൽ പലിശ ഉൾപ്പടെ 1,499.73 കോടി രൂപ അടക്കണമെന്നാണ് ആവശ്യം. ഈ ഉത്തരവിനെതിരെ ശക്തമായ നിയമപോരാട്ടം നടത്തുമെന്നും മീഷോ വ്യക്തമാക്കി.

തങ്ങളുടെ ഭാഗം ന്യായീകരിക്കാൻ കൃത്യമായ തെളിവുകൾ ഉണ്ടെന്നും മീഷോ സ്റ്റോക്ക് എക്സ്ചേഞ്ചിനെ അറിയിക്കുകയും ചെയ്തു.  ആദായ നികുതി നിയമത്തിലെ സെക്ഷൻ 143(3), സെക്ഷൻ 156 എന്നിവ പ്രകാരമാണ് മീഷോക്ക് നോട്ടീസ് ലഭിച്ചത്. 

കമ്പനിയുടെ സാമ്പത്തിക മെച്ചപ്പെടുന്നതിനിടെയാണ് പുതിയ നോട്ടീസ്. ഡിസംബർ പാദത്തിലെ കണക്കുകൾ അനുസരിച്ച് മുൻ വര്ഷം 37.4 കൂടിയായ അറ്റ നഷ്ടം ഇത്തവണ 491 കോടി രൂപയും വർധിച്ചു. മുൻ വർഷത്തെ അനുസരിച്ച് 32 ശതമാനം വര്ധിച്ചുകൊണ്ട് 3,517.6 കോടി രൂപയിൽ എത്തുകയും ചെയ്തു.

ഓർഡറുകളുടെ എണ്ണത്തിൽ 36 ശതമാനവും ഉപഭോക്താക്കളുടെ എണ്ണത്തിൽ 34 ശതമാനം വർധനവ് ഉണ്ടായെന്നുമാണ് കണക്കുകൾ. കമ്പനിയുടെ പ്രവർത്തനങ്ങളെ ഈ നികുതി നോട്ടീസ് ബാധിക്കില്ലെന്നാണ് അധികൃതർ അറിയിച്ചത്.