കാളികാവ്: കർണാടകയിലെ തുമകൂരുവിൽ ലോറി മറിഞ്ഞുണ്ടായ അപകടത്തിൽ കാളികാവ് സ്വദേശികളായ രണ്ട് യുവാക്കൾക്ക് ദാരുണാന്ത്യം. ശനിയാഴ്‌ച ഉച്ചയ്ക്ക് ഒരു മണിയോടെ നടന്ന അപകടത്തിൽ പണിക്കരുന്നൻ ഇർഷാദ് അലി (23), കുന്നത്ത് മുഹമ്മദ് അമീൻ (22) എന്നിവരാണ് മരിച്ചത്. 

മൈസൂരു-മുത്തൂർ റോഡിൽ തുമകൂരുവിൽ വെച്ചായിരുന്നു അപകടമുണ്ടായത്. ടയറുകൾ കയറ്റി സേലത്തേക്ക് പോവുകയായിരുന്ന ലോറി നിയന്ത്രണം വിട്ട് റോഡരികിലെ മരത്തിലിടിച്ച് മറിയുകയായിരുന്നു. ഇരുവരും സംഭവസ്ഥലത്ത് വച്ച് തന്നെ മരിച്ചു. 

ALSO READ: കഴക്കൂട്ടം സിഎസ്ഐ മിഷൻ ആശുപത്രിയിലെ ചികിത്സാപ്പിഴവ്; ഡോക്ടർക്കെതിരെ പൊലിസ് കേസെടുത്തു

തുമകൂരു ജില്ലാ ആശുപത്രിയിൽ സൂക്ഷിച്ചിരിക്കുന്ന മ‍തദേഹങ്ങൾ, പോസ്റ്റ്മോർട്ടത്തിന് ശേഷം ഞായറാഴ്ചയോടെ നാട്ടിലെത്തിച്ച് ഖബറടക്കും. 

ഇർഷാദ് അലി: പിതാവ്: അബ്ദുല്ല. മാതാവ്: ദിൽസാദ. സഹോദരി: റിൻസാന. 

മുഹമ്മദ് അമീൻ: പിതാവ്: അഷ്റഫ്. മാതാവ്: മുബീന.
ഭാര്യ: റിൻഷ. സഹോദരങ്ങൾ: മുഹമ്മദ് യാസീൻ, അമാനി, ഫാത്തിമ ലയ്യ, ഹവ്വ, നിഹ്മ.

In a tragic road accident in Tumakuru, Karnataka, two young men from Kalikavu, Malappuram, lost their lives after their lorry overturned. The deceased have been identified as Panikkurunnan Irshad Ali (23) and Kunnath Muhammad Amin (22).