അഞ്ചല്‍: സ്‌കൂളിനു മുന്നില്‍ അമിതവേഗതയിലെത്തിയ കാറിടിച്ച് രണ്ടുവിദ്യാര്‍ഥികള്‍ക്ക് പരുക്ക്.
മൈലോട് ടി.ഇ.എം വി.എച്ച്.എസ്.എസിലെ ഏഴാം ക്ലാസ് വിദ്യാര്‍ഥി കാറ്റാടി വേങ്ങവിള വീട്ടില്‍ എസ് സുനീഷ്(12), ഓട്ടുമല സുമാഭവനില്‍ ഷാനു(12) എന്നിവര്‍ക്കാണ് പരുക്കേറ്റത്. ഗുരുതരമായി പരിക്കേറ്റ സുനീഷിനെ കൊട്ടാരക്കര താലൂക്കാശുപത്രിയിലും ഷാനുവിനെ പൂയപ്പള്ളിയിലെ സ്വകാര്യ ആശുപത്രിയിലും പ്രവേശിപ്പിച്ചു. കഴിഞ്ഞദിവസം ഉച്ചക്കായിരുന്നു അപകടം. സൈക്കിളില്‍ സ്‌കൂളിലേക്ക് വരികയായിരുന്ന സുനീഷിനേയും കാല്‍നടയായി വന്ന ഷാനുവിനേയും മൈലോട് ഭാഗത്തുനിന്നും അമിത വേഗതയിലെത്തിയ കാര്‍ ഇടിച്ചു തെറിപ്പിക്കുകയായിരുന്നു.നാട്ടുകാരാണ് ഇരുവരെയും ആശുപത്രിയിലെത്തിച്ചത്.
കാര്‍ ഓടിച്ചിരുന്ന മീയന കണമ്പൂര്‍ പാറയില്‍ വീട്ടില്‍ മാഹിന്‍(19), യാത്രക്കാരനായ പുല്ലേറില്‍ വീട്ടില്‍ നൗഫല്‍(20) എന്നിവര്‍ ഓടിരക്ഷപെടാന്‍ ശ്രമിച്ചെങ്കിലും നാട്ടുകാര്‍  പിടികൂടി പൂയപ്പള്ളി പൊലിസിന് കൈമാറി.