ഇടവെട്ടി: തെക്കുംഭാഗം സര്‍വ്വീസ് സഹകരണ ബാങ്കിന്റെയും ഐ.സി.ഡി.പി ഇടുക്കിയുടെയും സംയുക്ത ആഭിമുഖ്യത്തില്‍ കര്‍ഷക ദിനാചരണവും മികച്ച കര്‍ഷകരെ ആദരിക്കലും ഫാര്‍മേഴ്‌സ് ക്ലബ്ബ് ഉദ്ഘാടനവും നടത്തി . പി.ജെ ജോസഫ് എം.എല്‍.എ ഉദ്ഘാടനം നിര്‍വഹിച്ചു.
ബാങ്ക് പ്രസിഡന്റ് ടോമി തോമസ് കാവാലം അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ജിമ്മി പോള്‍ , ഫാദര്‍ ജോര്‍ജ് വള്ളോംകുന്നേല്‍, ഗ്രാമപഞ്ചായത്ത് പ്രസിഡന്റുമാരായ ലത്തീഫ് മുഹമ്മദ്, മിനി ജെറി, ഗ്രാമ പഞ്ചായത്ത് വൈസ് പ്രസിഡന്റ് ബീന വിനോദ്, ജില്ലാ സഹകരണ ബാങ്ക് വൈസ് പ്രസിഡന്റ് ജോണ്‍ നെടിയപാല, ബ്ലോക്ക് പഞ്ചായത്ത് മെമ്പര്‍ സുജ ഷാജി, ഗ്രാമ പഞ്ചായത്ത് മെമ്പര്‍മാരായ സിബി ജോസ്, ജയ്‌മോന്‍ എബ്രഹാം, ഷീല ദീപു, എ.കെ സുഭാഷ് കുമാര്‍ തുടങ്ങിയവര്‍ പ്രസംഗിച്ചു.