അബുദബി: അബുദബി തീരത്തിന് വടക്ക് ഭാഗത്ത് ചരക്ക് കപ്പലിന് സമീപം വലിയ സ്ഫോടനം നടന്നതായി റിപ്പോർട്ട്. അബുദബിയിൽ നിന്ന് ഏകദേശം 36 നോട്ടിക്കൽ മൈൽ (67 കിലോമീറ്റർ) അകലെ ഉൾക്കടലിൽ ഒരു ബൾക്ക് കാരിയർ കപ്പലിന് സമീപമാണ് സംഭവം നടന്നതെന്ന് ഷിപ്പിംഗ് സുരക്ഷാ നിരീക്ഷകരായ യുണൈറ്റഡ് കിംഗ്ഡം മാരിടൈം ട്രേഡ് ഓപ്പറേഷൻസ് (UKMTO) അറിയിച്ചു.

കടലിലൂടെ സഞ്ചരിക്കുകയായിരുന്ന കപ്പലിന് സമീപം എന്തോ ഒന്ന് അതിശക്തമായി വന്നു വീണതായും തുടർന്ന് വലിയ ശബ്ദത്തോടെ സ്ഫോടനം ഉണ്ടായതായും കപ്പൽ ഉടമ റിപ്പോർട്ട് ചെയ്തു.

ALSO READ: യുഎഇയിൽ കുടുങ്ങിയോ? വിഷമിക്കേണ്ട; യാത്രികർക്ക് കൈത്താങ്ങുമായി പ്രമുഖ ഡെവലപ്പർമാർ

മേഖലയിൽ മിസൈൽ അല്ലെങ്കിൽ ഡ്രോൺ ആക്രമണമാണോ നടന്നതെന്ന കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. കപ്പലിനും അതിലെ ജീവനക്കാർക്കും പരുക്കുകളോ നാശനഷ്ടങ്ങളോ സംഭവിച്ചിട്ടുണ്ടോ എന്ന കാര്യത്തിൽ കൂടുതൽ വിവരങ്ങൾ ലഭ്യമായിക്കൊണ്ടിരിക്കുന്നതേയുള്ളൂ.

മിഡിൽ ഈസ്റ്റിൽ സംഘർഷം നിലനിൽക്കുന്ന പശ്ചാത്തലത്തിൽ, ഈ സംഭവം അതീവ ഗൗരവത്തോടെയാണ് സുരക്ഷാ ഏജൻസികൾ കാണുന്നത്. കപ്പലുകൾ ജാഗ്രത പാലിക്കണമെന്നും സംശയാസ്പദമായ എന്തെങ്കിലും ശ്രദ്ധയിൽപ്പെട്ടാൽ ഉടൻ റിപ്പോർട്ട് ചെയ്യണമെന്നും യുകെഎംടിഒ നിർദ്ദേശിച്ചിട്ടുണ്ട്. യുഎഇ അധികൃതരും സംഭവത്തെക്കുറിച്ച് അന്വേഷണം ആരംഭിച്ചു.

a massive explosion was reported in the sea off the abu dhabi coast after an unidentified object reportedly fell near a vessel. authorities are monitoring the situation closely as security concerns rise amid ongoing regional tensions.