മുംബൈ: ടി-20 ലോകകപ്പ് വീണ്ടും സ്വന്തമാക്കിയ ഇന്ത്യക്കുള്ള പാരിതോഷികം പ്രഖ്യാപിച്ച് ബിസിസിഐ. 131 കോടിയാണ് ബിസിസിഐ സമ്മാനത്തുകയായി പ്രഖ്യാപിച്ചത്. 2024ലെ ലോകകപ്പ് വിജയത്തിൽ 126 കോടി രൂപയായിരുന്നു പാരിതോഷികം ഉണ്ടായിരുന്നത്. ഇപ്പോൾ ഇതിന്റെ ആറിരട്ടി തുകയാണ് പ്രഖ്യാപിച്ചിട്ടുള്ളത്. ക്യാപ്റ്റൻ സൂര്യകുമാർ യാദവിനും മലയാളി താരം സഞ്ജു സാംസണും ഉൾപ്പടെ 15 താരങ്ങൾക്ക് ആറ് കോടി വീതം ലഭിക്കും. ബാക്കിയുള്ള 41 കോടി തുക പരിശീലകർക്കും സപ്പോർട്ടിങ് സ്റ്റാഫിനും പങ്കിട്ട് നൽകും. 

അഹമ്മദാബാദ് നരേന്ദ്ര മോദി സ്റ്റേഡിയത്തിൽനടന്ന കലാശപ്പോരാട്ടത്തിൽ ന്യൂസിലാൻഡിനെ 96 റൺസിന്‌ കീഴടക്കിയാണ് ഇന്ത്യ കിരീടം ചൂടിയത്.  മത്സരത്തിൽ ആദ്യം ബാറ്റ് ചെയ്ത ഇന്ത്യ അഞ്ചു വിക്കറ്റ് നഷ്ടത്തിൽ 255 റൺസാണ് നേടിയത്. കൂറ്റൻ വിജയലക്ഷ്യം പിന്തുടർന്ന കിവീസ് ഇന്നിംഗ്സ് 19 ഓവറിൽ 159 റൺസിൽ അവസാനിക്കുകയായിരുന്നു. 

 ഈ കിരീട നേട്ടത്തോടെ ഏറ്റവും കൂടുതൽ ടി-20 ലോകകപ്പുകൾ സ്വന്തമാക്കുന്ന ടീമെന്ന നേട്ടവും ഇന്ത്യ സ്വന്തമാക്കി. ഇതിന് മുമ്പ് 2007ലും 2024ലുമാണ് ഇന്ത്യ ചാമ്പ്യന്മാരായത്. തുടർച്ചയായി രണ്ട് തവണ ടി-20 ലോകകപ്പ് സ്വന്തമാക്കുന്ന ചരിത്രത്തിലെ ആദ്യ ടീമായി മാറാനും ഇന്ത്യക്ക് സാധിച്ചു. ടി-20 ലോകകപ്പ് നേടുന്ന ആദ്യ ആതിഥേയ രാജ്യം കൂടിയാണ് ഇന്ത്യ.  

അതേസമയം ടൂർണമെന്റിലെ താരമായി തെരഞ്ഞെടുക്കപ്പെട്ടത് സഞ്ജു സാംസൺ ആയിരുന്നു. ഈ ടൂർണമെന്റിൽ 321 റൺസാണ് സഞ്ജുവിന്റെ ബാറ്റിൽ നിന്നും പിറന്നത്. ഫൈനൽ മത്സരത്തിൽ 89 റൺസ് നേടിയാണ് സഞ്ജു ഇന്ത്യയുടെ ടോപ് സ്കോററായത്. അഞ്ചു ഫോറുകളും എട്ട് കൂറ്റൻ സിക്സുകളും അടങ്ങുന്നതാണ് സഞ്ജുവിന്റെ ഇന്നിംഗ്സ്. 

വെസ്റ്റ് ഇൻഡീസിനെതിരെ നേടിയ പുറത്താകാതെയുള്ള 97 റൺസാണ് ടൂർണമെന്റിലെ സഞ്ജുവിന്റെ ഉയർന്ന സ്കോർ. സെമിയിൽ ഇംഗ്ലണ്ടിനെതിരെ  42 പന്തിൽ 89 റൺസാണ് സഞ്ജു നേടിയത്. ഏഴ് സിക്സും എട്ട് ഫോറുകളും അടങ്ങുന്നതായിരുന്നു മലയാളി താരത്തിന്റെ പ്രകടനം.

BCCI has announced a reward of Rs 131 crore for India's victory in the T20 World Cup. The BCCI has announced a prize money of Rs 131 crore. The prize money for winning the 2024 World Cup was Rs 126 crore. Now, the amount has been increased six times. 15 players, including captain Suryakumar Yadav and Malayali player Sanju Samson, will get Rs 6 crore each. The remaining Rs 41 crore will be shared among the coaches and support staff.