ഡൽഹി: പശ്ചിമ ബംഗാളിലെ തീവ്ര വോട്ടർ പട്ടികയിൽ നിന്നും ഒഴിവാക്കുന്നവർക്ക് അപ്പീൽ നൽകാൻ ഹൈക്കോടതി മുൻ ജഡ്ജിമാരുടെ നേതൃത്തിൽ സ്വതന്ത്ര അപലേറ്റ് ട്രെബ്യുണലുകൾ രൂപവൽക്കരിക്കാൻ കൊൽക്കത്ത ഹൈക്കോടതി ചീഫ് ജസ്റ്റിസിന് നിർദേശം നൽകി സുപ്രീം കോടതി. 

ജുഡീഷ്യൽ ഉദ്യോഗസ്ഥർക്ക് ആവശ്യമായുള്ള എല്ലാ ഭൗതിക സൗകര്യങ്ങളും ഒരുക്കി നൽകാൻ വേണ്ടി സംസ്ഥാന സർക്കാരിനോടും തെരഞ്ഞെടുപ്പ് കമ്മീഷനോടും ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് ആവശ്യപ്പെട്ടു. ഹൈക്കോടതി ചീഫ് ജസ്റ്റിസിന്റെ അനുമതി ഇല്ലാതെ എസ്ഐആർ പ്രക്രിയ തടസ്സമാകുന്ന ഒന്നും തെരഞ്ഞെടുപ്പ് കമ്മീഷൻ ഏർപ്പെടുത്തരുതെന്നും ബെഞ്ച് അറിയിച്ചു. ഓൺലൈൻ പോർട്ടലിലെ സാങ്കേതിക പ്രശ്നങ്ങൾ അടിയന്തരമായി പരിഹരിക്കണമെന്നും ജുഡീഷ്യൽ ഉദ്യോഗസ്ഥർക്കുള്ള ലോഗിൻ ഐഡികൾ ഉടൻ സൃഷ്ടിക്കണമെന്നും ബെഞ്ച് കമ്മീഷന് നിർദേശം നൽകി.