മസ്‌കത്ത്: ഒമാനിലെ പ്രധാന തുറമുഖമായ സലാലയിലെ എണ്ണ സംഭരണ കേന്ദ്രങ്ങൾക്ക് നേരെ ഡ്രോൺ ആക്രമണം. തുറമുഖത്തെ ഇന്ധന ടാങ്കുകൾക്ക് ആക്രമണത്തിൽ കേടുപാടുകൾ സംഭവിച്ചതായി ഒമാൻ ഔദ്യോഗിക ടെലിവിഷൻ റിപ്പോർട്ട് ചെയ്തു. ബ്രിട്ടീഷ് സമുദ്ര സുരക്ഷാ സ്ഥാപനമായ ആംബ്രെയും (Ambrey) ആക്രമണം നടന്ന വിവരം സ്ഥിരീകരിച്ചിട്ടുണ്ട്.

ALSO READ: ഡിജിറ്റൽ ഒമാൻ; ഏകീകൃത പോർട്ടൽ വഴി നടന്നത് 7.7 ലക്ഷം സർക്കാർ ഇടപാടുകൾ

തുറമുഖത്ത് നങ്കൂരമിട്ടിരുന്ന വ്യാപാര കപ്പലുകൾക്ക് നിലവിൽ കേടുപാടുകൾ ഒന്നും സംഭവിച്ചിട്ടില്ലെന്ന് ആംബ്രെ വ്യക്തമാക്കി. എണ്ണ സംഭരണശാലകൾ ലക്ഷ്യമിട്ടായിരുന്നു ആക്രമണമെന്നാണ് പ്രാഥമിക നിഗമനം. മേഖലയിലെ സുരക്ഷാ സാഹചര്യം വിലയിരുത്തി വരികയാണെന്ന് അധികൃതർ അറിയിച്ചു.

ALSO READ: മേഖലയിലെ സമാധാനം ലക്ഷ്യം; കാനഡ പ്രധാനമന്ത്രിയും ഒമാൻ സുൽത്താനും ചർച്ച നടത്തി

അമേരിക്കയും ഇസ്റാഈലും തങ്ങൾക്കെതിരെ നടത്തുന്ന നീക്കങ്ങൾക്ക് മറുപടിയായി ഗൾഫ് മേഖലയിലെ ഊർജ്ജ ഉൽപാദന, സംഭരണ കേന്ദ്രങ്ങളെ ഇറാൻ ലക്ഷ്യമിടുന്നത് തുടരുകയാണ്. ഇതിന്റെ ഭാഗമായാണ് ഒമാനിലെ ഊർജ്ജ കേന്ദ്രങ്ങൾക്ക് നേരെയുണ്ടായ ഈ ആക്രമണമെന്നും വിലയിരുത്തപ്പെടുന്നു. സംഭവത്തെത്തുടർന്ന് മേഖലയിലെ സമുദ്ര പാതകളിൽ സുരക്ഷാ മുൻകരുതലുകൾ ശക്തമാക്കിയിട്ടുണ്ട്.

a drone attack targeted oil storage facilities in Salalah in Oman, causing major damage at the port area. authorities are assessing the situation as security measures are tightened following the incident.