ആലപ്പുഴ: ജൂനിയര്‍ ഫ്രന്റ്‌സ് ഓഫ് ഇന്ത്യ  മെംബര്‍ഷിപ്പ് കാംപയിന്റെ സംസ്ഥാനതല ഉദ്ഘാടനം ആലപ്പുഴയില്‍ നടന്നു. എസ്.ഡി.പി.ഐ സംസ്ഥാന വൈസ് പ്രസിഡന്റ് തുളസീധരന്‍ പള്ളിക്കല്‍ ജൂനിയര്‍ ഫ്രന്റ്‌സ് ജില്ലാ കമ്മിറ്റിയംഗം സലീന സാലിമിനു കൈമാറി ഉദ്ഘാടനം ചെയ്തു.
ജൂനിയര്‍ ഫ്രന്റ്‌സ് സംസ്ഥാന പ്രസിഡന്റ് മുഹമ്മദ് അസ്ഹര്‍ അധ്യക്ഷത വഹിച്ചു. രക്ഷാധികാരി പി.കെ അബ്ദുല്‍ലത്തീഫ് സന്ദേശം നല്‍കി. ആലപ്പുഴ നഗരസഭാ വൈസ് ചെയര്‍പേഴ്‌സണ്‍ ബീന കൊച്ചുബാവ മുഖ്യഥിതിയായി പങ്കെടുത്തു. ഫ്രീഡം ക്വിസ് നറുക്കെടുപ്പിന് അമ്പലപ്പുഴ വടക്ക് ഗ്രാമപ്പഞ്ചായത്ത് ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഷീജ നൗഷാദ് നേതൃത്വം നല്‍കി.
പോപുലര്‍ഫ്രണ്ട് ഓഫ് ഇന്ത്യ ജില്ലാ പ്രസിഡന്റ് കെ.എസ് സിറാജുദ്ദീന്‍, എസ്.ഡി.പി.ഐ ജില്ലാ ജനറല്‍ സെക്രട്ടറി എം സാലിം, ജൂനിയര്‍ഫ്രന്റ്‌സ് സ്റ്റേറ്റ് കോഡിനേറ്റര്‍ കെ.എസ് റഹീമ, കാംപസ് ഫ്രണ്ട് ഓഫ് ഇന്ത്യ വൈസ് പ്രസിഡന്റ് നജ്‌ല മജീദ് സംസാരിച്ചു. ജൂനിയര്‍ഫ്രന്റ്‌സ് സംസ്ഥാന ജനറല്‍ സെക്രട്ടറി ആമിര്‍ ബിന്‍ സലീം സ്വാഗതവും ജില്ലാ പ്രസിഡന്റ് റസാഖ് നന്ദിയും പറഞ്ഞു.