ഹരിപ്പാട്:തിരുവോണം,അവിട്ടം,ചതയം നാളുകളായ 14,15,16 തീയ്യതികളില്‍ നടക്കുന്ന പായിപ്പാട് ജലോത്സവത്തിന്റെ ഒരുക്കങ്ങള്‍ പൂര്‍ത്തിയായതായി ജലോത്സവ സമിതി സെക്രട്ടറി കെ.കാര്‍ത്തികേയന്‍ അറിയിച്ചു.16ന് മത്സര വളളംകളി നടക്കും.
ഒന്‍പത് ചുണ്ടന്‍ വള്ളങ്ങള്‍ ഉള്‍പ്പെടെ ഇരുപത്തിയഞ്ചില്‍പ്പരം വള്ളങ്ങള്‍ മത്സരത്തിനുണ്ടാകും.ചെറുതന,കരുവാറ്റാ ശ്രീവിനായകന്‍, ആയാപറമ്പ് പാണ്ടി,ആയാപറമ്പ് വലിയ ദിവാന്‍ജി,ആനാരി,പായിപ്പാട്,കാരിച്ചല്‍,വെള്ളംകുളങ്ങര,കരുവാറ്റാ എന്നീ ചുണ്ടനുകളാവും മത്സരത്തിനുണ്ടാവുക.
 കൂടാതെ വെപ്പ് എ ഗ്രേഡ്,വെപ്പ് ബി ഗ്രേഡ്,തെക്കനോടി,ചുരുളന്‍ വള്ളങ്ങളും,ഫൈബര്‍ വള്ളങ്ങളും മത്സരത്തിനുണ്ടാകും. 14ന് ഏഴിന് ജലോത്സവ സമിതി വൈസ് ചെയര്‍മാന്‍ ശ്രീകുമാര്‍ ഉണ്ണിത്താന്‍ പ താകയുയര്‍ത്തും.
തുടര്‍ന്ന് വളളക്കാര്‍ നെല്‍പ്പുരക്കടവിലെത്തിയ ശേഷം വാദ്യ മേളങ്ങളോടെ എട്ടിന് സുബ്രഹ്മണ്യ സ്വാമി ക്ഷേത്രത്തിലെത്തി ദര്‍ശനം നടത്തും.രണ്ടിനു കുട്ടികളുടെ ജലമേള ചെറുതന ഗ്രാമപഞ്ചായത്ത് പ്രസിഡന്റെ കെ.രത്‌നകുമാരി ഉദ്ഘാടനം ചെയ്യും.16ന് രണ്ടിന് നടക്കുന്ന മത്സര വള്ളം കളി മന്ത്രി പി.തിലോത്തമന്‍ ഉദ്ഘാടനം ചെയ്യും.തോമ,് ചാണ്ടി എംഎല്‍ എ അധ്യക്ഷ വഹിക്കും.റിച്ചാര്‍ഡ് ഹേ എം പി മാസ്ഡ്രില്‍ ഫ്‌ലാഗ് ഓഫ് ചെയ്യും.പ്രതിപക്ഷ നേതാവ് രമേശ് ചെന്നിത്തല മല്‍സര വള്ളംകളി ഫ്‌ലാഗ് ഓഫ് ചെയ്യും.