തിരുവനന്തപുരം: പശ്ചിമേഷ്യൻ സംഘർഷത്തെ തുടർന്ന് രാജ്യത്ത് പാചകവാതക വിതരണത്തിൽ കടുത്ത നിയന്ത്രണം ഏർപ്പെടുത്തിയതോടെ ഇന്ത്യൻ റെയിൽവേയിലെ ഭക്ഷണവിതരണ ശൃംഖല പ്രതിസന്ധിയിലേക്ക്. പാചകവാതക സിലിണ്ടറുകളുടെ ലഭ്യത കുറഞ്ഞ സാഹചര്യത്തിൽ ദീർഘദൂര ട്രെയിനുകളിൽ പാകം ചെയ്ത ഭക്ഷണത്തിന്റെ വിതരണം താൽക്കാലികമായി നിർത്തിവയ്ക്കാൻ ഐആർസിടിസി ആലോചിക്കുന്നു. ടിക്കറ്റിനൊപ്പം ഭക്ഷണം ബുക്ക് ചെയ്ത യാത്രക്കാർക്ക് തുക റീഫണ്ട് ചെയ്യുന്ന കാര്യവും റെയിൽവേയുടെ പരിഗണനയിലുണ്ട്.

ALSO READ: സംസ്ഥാനത്തെ 65,000 കുടുംബങ്ങൾക്ക് കൂടി മുൻഗണനാ റേഷൻ കാർഡുകൾ; വിതരണോദ്ഘാടനം ഇന്ന് മുഖ്യമന്ത്രി നിർവ്വഹിക്കും

ഐ.ആർ.സി.ടി.സിയുടെ ബേസ് കിച്ചണുകളെ ഗ്യാസ് ക്ഷാമം കാര്യമായി ബാധിച്ചിട്ടുണ്ട്. പ്രതിസന്ധി മറികടക്കാൻ പാചകത്തിന് മൈക്രോവേവ് ഓവനുകൾ, ഇലക്ട്രിക് ഇൻഡക്ഷൻ സംവിധാനങ്ങൾ എന്നിവ ഉപയോഗിക്കാൻ കാറ്ററിങ് യൂനിറ്റുകൾക്ക് നിർദേശം നൽകി. കൂടാതെ, പാകം ചെയ്ത ഭക്ഷണത്തിന് പകരം 'റെഡി ടു ഈറ്റ്' വിഭാഗത്തിലുള്ള പാക്കറ്റ് ഭക്ഷണങ്ങളുടെ വലിയ ശേഖരം കരുതിവയ്ക്കാൻ ലൈസൻസികളോട് ആവശ്യപ്പെട്ടിട്ടുണ്ട്.

The Indian Railways' food supply chain is facing a crisis due to a severe LPG shortage caused by the West Asia conflict. IRCTC is considering temporarily suspending cooked food services on long-distance trains, and refunds may be offered to passengers who booked meals with their tickets