ഡൽഹി: ഇന്റർനെറ്റിലെ അശ്ലീല ഉള്ളടക്കങ്ങൾക്കും സോഷ്യൽ മീഡിയ ദുരുപയോഗത്തിനുമെതിരെ ശക്തമായ നിയമം വേണമെന്ന് മുൻ ക്രിക്കറ്റ് താരവും എം.പിയുമായ ഹർഭജൻ സിംഗ്. രാജ്യസഭയിലാണ് അദ്ദേഹം ഈ ആവശ്യം ഉന്നയിച്ചത്.

ഇൻസ്റ്റാഗ്രാം അടക്കമുള്ള പ്ലാറ്റ്‌ഫോമുകൾക്ക് കുട്ടികൾ അടിമകളാകുന്നത് അവരുടെ മാനസികാരോഗ്യത്തെ തകർക്കുമെന്ന് ഹർഭജൻ വ്യക്തമാക്കി. 16 വയസ്സിൽ താഴെയുള്ള കുട്ടികൾക്ക് സോഷ്യൽ മീഡിയ ഉപയോഗിക്കുന്നതിന് നിരോധനം ഏർപ്പെടുത്തണം. ഇതിനായി കൃത്യമായ പ്രായപരിശോധന ഉറപ്പാക്കാനുള്ള സംവിധാനം കൊണ്ടുവരണമെന്നും അദ്ദേഹം ആവശ്യപ്പെട്ടു.

ALSO READ: യുവതിയെ 'പോട്ടറ്റോ' എന്ന് വിളിച്ച് വംശീയ അധിക്ഷേപം; തൊഴിലുടമ 29 ലക്ഷം രൂപ നഷ്ടപരിഹാരം നല്‍കാന്‍ വിധി

"നമ്മുടെ കുട്ടികളുടെ ഭാവി വലിയ ഭീഷണിയിലാണ്. ഇന്റർനെറ്റിലെ അശ്ലീല വെബ്സൈറ്റുകൾ പൂർണ്ണമായും ബ്ലോക്ക് ചെയ്യണം. ചെറിയ പ്രായത്തിൽ തന്നെ ഇത്തരം ഉള്ളടക്കങ്ങൾ കാണുന്നത് കുട്ടികളിൽ ഉത്കണ്ഠയ്ക്കും വിഷാദത്തിനും കാരണമാകുന്നു. കുട്ടികളുടെ ചിന്താഗതിയെ തെറ്റായ ദിശയിലേക്ക് നയിക്കുന്ന ഇത്തരം പ്രവണതകൾക്കെതിരെ കേന്ദ്ര സർക്കാർ നടപടിയെടുക്കണം," ഹർഭജൻ ആവശ്യപ്പെട്ടു. 

കുട്ടികളുടെ സോഷ്യൽ മീഡിയ ഉപയോഗം നിയന്ത്രിക്കാൻ പല സംസ്ഥാനങ്ങളും നിയമനിർമാണം നടത്തിയിരുന്നു. കർണാടകയിൽ 16 വയസ്സിൽ താഴെയുള്ളവർക്ക് സോഷ്യൽ മീഡിയ നിരോധിച്ചിരുന്നു. 13 മുതൽ 16 വയസ്സു വരെയുള്ള കുട്ടികൾക്ക് സോഷ്യൽ മീഡിയ നിയന്ത്രണം ഏർപ്പെടുത്താനുള്ള ആലോചനയിലാണ് ആന്ധ്ര പ്രദേശ് സർക്കാർ. 

Former cricketer and Rajya Sabha MP Harbhajan Singh has urged for a strong law against online pornographic content and social media misuse, raising the issue in the Rajya Sabha [1].