ചേര്‍ത്തല: വാരനാട് സഹകരണ ബാങ്ക് ജൈവപച്ചക്കറി വിപണനകേന്ദ്രം തുറന്നു. വാരനാട് കവലയില്‍ ആരംഭിച്ച കേന്ദ്രം ചേര്‍ത്തല പ്രസ്‌ക്ലബ് പ്രസിഡന്റ് ടി പി സുന്ദരേശന്‍ ഉദ്ഘാടനം ചെയ്തു.
കേരളാ സ്‌റ്റേറ്റ് കയര്‍ മെഷീന്‍ മാനുഫാക്ചറിങ് കമ്പനി ചെയര്‍മാന്‍ ആദ്യവില്‍പനയും മാധ്യമപ്രവര്‍ത്തകരെ ആദരിക്കലും നിര്‍വഹിച്ചു. തണ്ണീര്‍മുക്കം പഞ്ചായത്ത് പ്രസിഡന്റ് കെ ജെ സെബാസ്റ്റിയന്‍ മുഖ്യപ്രഭാഷണം നടത്തി. സഹകരണ അസി. രജിസ്ട്രാര്‍ പി പ്രസേനന്‍, ജി ശശിധരപ്പണിക്കര്‍,  ടി എസ് രാഘവന്‍, വി കെ തങ്കപ്പന്‍, സി പി രാജന്‍  എന്നിവര്‍ സംസാരിച്ചു. വി കെ മുകുന്ദന്‍ സ്വാഗതവും പി സി രാജേഷ് നന്ദിയും പറഞ്ഞു. ചേര്‍ത്തല മുനിസിപ്പല്‍ 22-ാം വാര്‍ഡ് വികസനസമിതിയുടെ നേതൃത്വത്തില്‍ ഓണക്കിറ്റ് വിതരണവും അയല്‍ക്കൂട്ടം അംഗങ്ങളുടെ മത്സരങ്ങളും നടന്നു. ഗാനരചയിതാവ് രാജീവ് ആലുങ്കല്‍ ഉദ്ഘാടനം ചെയ്തു. മുനിസിപ്പല്‍ കൗണ്‍സിലര്‍ മാധുരി സാബു അധ്യക്ഷയായി. കെ അജയന്‍, എസ് സോബിന്‍, അനൂപ് വേണു, എം സഹദേവന്‍, ദീപ വിനോദ്, പ്രീത രാജേഷ്  സംസാരിച്ചു. ടി സുമേഷ് സ്വാഗതവും ഉഷാദേവി വേണു നന്ദിയും പറഞ്ഞു.