കൊട്ടാരക്കര: കോളേജ് പരിസരത്ത് നഗ്നതാ പ്രദർശനം നടത്തിയ യുവാവിനെ സാഹസികമായി പിടികൂടി പെൺകുട്ടി. പുനലൂർ സ്വദേശി ശിവപ്രസാദിനെതിരെ കൊട്ടാരക്കര പൊലിസ് കേസെടുത്തു. സ്ത്രീകളെ പിന്തുടർന്ന് ശല്യം ചെയ്തതിനടക്കമുള്ള വകുപ്പുകൾ ചുമത്തിയാണ് നടപടി.

കഴിഞ്ഞ ദിവസമായിരുന്നു ഞെട്ടിച്ച സംഭവം നടന്നത്. കോളേജിന് സമീപം നിൽക്കുകയായിരുന്ന പെൺകുട്ടികൾക്ക് മുന്നിലെത്തി ഇയാൾ നഗ്നതാ പ്രദർശനം നടത്തുകയായിരുന്നു. യുവാവിന്റെ പ്രവൃത്തി കണ്ടതോടെ പെൺകുട്ടി ധീരമായി പ്രതികരിക്കുകയായിരുന്നു.

ALSO READ: കെ. സുധാകരന് നിയമസഭയിലേക്ക് സീറ്റില്ല; പകരക്കാരനെ സുധാകരന് തന്നെ നിശ്ചയിക്കാം: കെപിസിസി

പിടിയിലാകുമെന്ന് ഉറപ്പായതോടെ ഓടി രക്ഷപ്പെടാൻ ശ്രമിച്ച ശിവപ്രസാദിനെ പെൺകുട്ടി പിന്തുടർന്ന് പിടിക്കൂടുകയായിരുന്നു. പെൺകുട്ടി ചോദ്യം ചെയ്യുന്ന വീഡിയോ പ്രചരിച്ചതോടെയാണ് പൊലിസ് സ്വമേധയാ കേസെടുത്തത്.

പിടികൂടിയതിന് പിന്നാലെ പെൺകുട്ടി യുവാവിനെ ചോദ്യം ചെയ്യുന്ന ദൃശ്യങ്ങൾ മൊബൈൽ ഫോണിൽ പകർത്തിയിരുന്നു. താൻ മൂത്രമൊഴിക്കാൻ വന്നതാണെന്നായിരുന്നു ഇയാളുടെ ആദ്യ വാദം. വീഡിയോ പുറത്തുവിടരുതെന്നും അങ്ങനെ ചെയ്താൽ ജീവനൊടുക്കുമെന്നും ഇയാൾ പെൺകുട്ടിയോട് അപേക്ഷിക്കുന്നതും ദൃശ്യങ്ങളിലുണ്ട്. ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതോടെയാണ് പൊലിസ് ഇടപെട്ടത്.

A young man from Punalur was apprehended by a college student after he allegedly exposed himself near a college campus in Kottarakkara. When the suspect tried to flee the scene, the girl chased him down and confronted him.