രാജപുരത്ത് പത്തൊമ്പതുകാരൻ മുങ്ങിമരിച്ചു
കാസർകോട്: രാജപുരത്ത് കോളേജ് പുഴയിൽ വിദ്യാർഥി മുങ്ങിമരിച്ചു. വെള്ളിയാഴ്ച വൈകിട്ട് ആറ് മണിയോടെയായിരുന്നു സംഭവം. കാരാക്കോട് തോണിക്കല്ല് സ്വദേശികളായ രവീന്ദ്രൻ-ഗിരിജ ദമ്പതികളുടെ മകനായ അശ്വിൻ രാജ് (19) ആണ് മരിച്ചത്. രാജപുരം സെന്റ് പയസ് ടെൻത് കോളേജിലെ മൂന്നാം വർഷ ബിഎസ്സി വിദ്യാർഥിയാണ് അശ്വിൻ.
കൂട്ടുകാർക്കൊപ്പം പുഴയിൽ കുളിക്കാനിറങ്ങിയതായിരുന്നു അശ്വിൻ. കുളി കഴിഞ്ഞ് എല്ലാവരും കരയ്ക്ക് കയറിയ സമയത്താണ് അവർ കൊണ്ടുപോയ ബക്കറ്റ് പുഴയിലെ ഒഴുക്കിൽപ്പെട്ടത്. ഇത് തിരിച്ചെടുക്കാനായി പുഴയിലേക്ക് വീണ്ടും ഇറങ്ങിയ അശ്വിൻ ഒഴുക്കിൽപ്പെടുകയായിരുന്നു. ഒപ്പമുണ്ടായിരുന്ന സുഹൃത്തുക്കൾ രക്ഷിക്കാൻ ശ്രമിച്ചെങ്കിലും ഫലമുണ്ടായില്ല. തുടർന്ന്, നാട്ടുകാരെത്തി അശ്വിനെ കരയ്ക്കെത്തിച്ച് പൂടംകല്ല് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
A 19-year-old college student met a tragic end after drowning in a river at Rajapuram, Kasaragod, on Friday evening. The deceased has been identified as Ashwin Raj, a third-year BSc student at Rajapuram St. Pius X College and the son of Raveendran and Girija from Karakkode Thonikkallu.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."