കൊല്ലം: ജില്ലയിൽ വീണ്ടും ഗുണ്ടാപ്പക. ജിം സന്തോഷ് വധക്കേസിലെ പ്രതി അലുവ അതുലിനെ (അതുൽ) ഒരുകൂട്ടം അക്രമികൾ വെട്ടിക്കൊലപ്പെടുത്തി. ജാമ്യത്തിലിറങ്ങി സ്റ്റേഷനിൽ ഒപ്പിട്ട് മടങ്ങുന്നതിനിടെയാണ് നടുറോഡിൽ ക്രൂരമായ ആക്രമണം നടന്നത്.

ജിം സന്തോഷ് വധക്കേസിൽ റിമാൻഡിലായിരുന്ന അതുൽ കഴിഞ്ഞ ദിവസമാണ് ജാമ്യത്തിലിറങ്ങിയത്. ജാമ്യവ്യവസ്ഥയുടെ ഭാഗമായി പൊലിസ് സ്റ്റേഷനിലെത്തി ഒപ്പിട്ട് മടങ്ങവെയാണ് അക്രമിസംഘം അതുലിനെ തടഞ്ഞുനിർത്തി വെട്ടിയത്. ഗുരുതരമായി പരുക്കേറ്റ അതുലിനെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ALSO READ: താലികെട്ടിന് തൊട്ട് മുമ്പ് 31 കേസിലെ പ്രതിയായ ​ഗുണ്ടാത്തലവനെ പൊലിസ് പൊക്കി; സ്റ്റേഷനിൽ വച്ച് വിവാഹം നടത്താൻ അനുവദിണമെന്ന് വധു

ആക്രമണത്തിന് പിന്നിൽ ജിം സന്തോഷ് വധക്കേസുമായി ബന്ധപ്പെട്ട പ്രതികാരമാണോ അതോ മറ്റ് ഗുണ്ടാസംഘങ്ങൾ തമ്മിലുള്ള കുടിപ്പകയാണോ എന്ന് വ്യക്തമായിട്ടില്ല. പ്രതികൾക്കായി പൊലിസ് തിരച്ചിൽ ഊർജ്ജിതമാക്കിയിട്ടുണ്ട്. കൊലപാതകം നടന്ന സ്ഥലത്തും പരിസരത്തുമുള്ള സിസിടിവി ദൃശ്യങ്ങൾ പൊലിസ് പരിശോധിച്ചു വരികയാണ്.

In a suspected case of gang rivalry, Aluva Athul, an accused in the Jim Santhosh murder case, was hacked to death in Kollam. The incident occurred in broad daylight while Athul was returning from the police station after signing his bail attendance.