ശ്രീനഗര്‍: കശ്മീരിലെ ബന്ദീപൂരില്‍ ഇന്ന് രാവിലെ സൈന്യവും പ്രക്ഷോഭകരുമായി നടന്ന ഏറ്റുമുട്ടലില്‍ ഒരാള്‍ കൂടി മരിച്ചു. നിരവധി പേര്‍ക്ക് പരുക്കേറ്റു. ഇതോടെ സംഘര്‍ഷത്തില്‍ മരിച്ചവരുടെ എണ്ണം 80 ആയി. കശ്മീരിലെ സംഘര്‍ഷാവസ്ഥ പരിഗണിച്ച് ഈദ് ദിനത്തില്‍ 10 ജില്ലകളില്‍ വീണ്ടും കര്‍ഫ്യൂ ഏര്‍പ്പെടുത്തി

ചരിത്രത്തിലാദ്യമായി ശ്രീനഗറിലെ പ്രസിദ്ധമായ ഹസ്രത്ബാല്‍ പള്ളിയില്‍ ഇന്ന് ഈദ് പ്രാര്‍ത്ഥന നടക്കില്ല. ജനങ്ങള്‍ പ്രാദേശികമായുള്ള പള്ളികളില്‍ പ്രാര്‍ത്ഥന നടത്താനാണ് നിര്‍ദ്ദേശിച്ചിരിക്കുന്നത്. ശ്രീനഗറിലെ കടകളും വ്യാപാര സ്ഥാപനങ്ങളും അടഞ്ഞ് കിടക്കുകയാണ്.

ചെറുവിമാനങ്ങളും ഹെലികോപ്റ്ററുകളും ഉപയോഗിച്ച് കശ്മീരില്‍ ശക്തമായ നിരീക്ഷണമാണ് സൈന്യം നടത്തുന്നത്.