ന്യൂഡല്‍ഹി: ബി.എസ്.എന്‍.എല്ലും റിലയന്‍സ് ജിയോയും തമ്മില്‍ സഹകരണവുമായി രംഗത്ത്. ഇന്‍ട്ര സര്‍ക്കിളിലൂടെയുള്ള ഈ സഹകരണത്തിലൂടെ ബി.എസ്.എന്‍.എല്ലിന്റെ 2ജി സേവനങ്ങള്‍ ജിയോയ്ക്കും തിരിച്ച് ജിയോയുടെ 4ജി സേവനങ്ങള്‍ ബി.എസ്.എന്‍.എല്ലിനും ലഭിക്കും. ഇതോടെ ജിയോ വോയിസ് കോളില്‍ നേരിടുന്ന പ്രശ്‌നങ്ങള്‍ക്ക് പരിഹാരമാകും. ഇതോടെ ബി.എസ്.എന്‍.എല്‍ ഉപഭോക്താക്കള്‍ക്ക് ജിയോയുടെ ഉയര്‍ന്ന വേഗതയിലുള്ള ഇന്റര്‍നെറ്റ് സേവനം ലഭ്യമാവും. എന്നാല്‍, ഇതെല്ലാം ധാരണപത്രം ഒപ്പിട്ട ശേഷം ലഭിക്കുമെന്ന് അധികൃതര്‍ വ്യക്തമാക്കി. എന്നാല്‍, ഈ സേവനങ്ങള്‍ ഏത് തരത്തിലാകും ലഭിക്കുകയെന്നും അധികൃതര്‍ അറിയിച്ചിട്ടില്ല.

എങ്കിലും പുതിയ സഹകരണത്തിലൂടെ ഇരുകൂട്ടര്‍ക്കും പ്രയോജനം ചെയ്യുന്ന കരാറിലാണ് എത്തിയിരിക്കുന്നതെന്ന് ബി.എസ്.എന്‍.എല്‍ സി.എം.ഡി അനുപം ശ്രീവാസ്തവ പ്രതികരിച്ചു.