കണിയാമ്പറ്റ: മാനന്തവാടി- കല്‍പ്പറ്റ റൂട്ടില്‍ സര്‍വിസ് നടത്തുന്ന ചില സ്വകാര്യ ബസുകള്‍ റൂട്ട് പെര്‍മിറ്റ് എടുത്ത വഴിലൂടെ സര്‍വിസ് നടത്താതെ ദേശസാല്‍കൃത റൂട്ടിലൂടെ മാത്രം സര്‍വിസ് നടത്തുന്നതായി ബസ് പാസഞ്ചേഴ്‌സ് അസോസിയേഷന്‍ കണിയാമ്പറ്റ കുറ്റപ്പെടുത്തി. ബന്ധപ്പെട്ട അധികാരികള്‍ക്ക് ഇതുസംബന്ധിച്ച് പരാതികള്‍ നല്‍കിയെങ്കിലും നാളിതുവരെയായും യാതൊരുവിധ നടപടികളും സ്വീകരിച്ചിട്ടില്ല. എത്രയുംപെട്ടെന്ന് പ്രശ്‌നത്തിന് പരിഹാരം കാണണമെന്നും ബസ് പാസഞ്ചേഴ്‌സ് അസോസിയേഷന്‍ ആവശ്യപ്പെട്ടു.