കല്‍പറ്റ: ശ്രീനായരണ ഗുരുവിന്റെ 162-ാമത്  ജയന്തി ആഘോഷം ഈമാസം 16ന് ശ്രീനാരായണ ഗ്ലോബല്‍  മിഷന്‍ ജില്ലാ കമ്മിറ്റിയുടെ നേതൃത്വത്തില്‍ കല്‍പ്പറ്റയില്‍ നടക്കും. ഗുരുവിന്റെ ജാതിയില്ലാ പ്രഖ്യാപനത്തിന്റെ ശതാബ്ദി വര്‍ഷത്തില്‍ നടക്കുന്ന ജയന്തിയെന്ന പ്രത്യേകതയും ഇത്തവണത്തെ ഗുരു സ്മരണ സമ്മേളനത്തിനുണ്ട്. 16ന് ഉച്ചക്ക് 2.30ന് നടക്കുന്ന ഗുരുസ്മരണ പരിപാടി സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. മിഷന്‍ ജില്ലാ പ്രസിഡന്റ് അഡ്വ പി ചാത്തുക്കുട്ടി അധ്യക്ഷനാകും. ചടങ്ങില്‍- ഗുരു വാക്കും പൊരുളും- എന്ന വിഷയം വയനാട് ഡയറ്റ് മുന്‍ സീനിയര്‍ ലക്ചറര്‍ പി.കെ റെജി മാസ്റ്റര്‍ അവതരിപ്പിക്കും. സി.പി.ഐ ജില്ലാ സെക്രട്ടറി വിജയന്‍ ചെറുകര ഗുരു ജയന്തി സന്ദേശം നല്‍കും.