റിയാദ്: 2026 ലെ വേൾഡ് ഹാപ്പിനസ് റിപ്പോർട്ടിൽ 147 രാജ്യങ്ങളിൽ സൗദി അറേബ്യ 22-ാം സ്ഥാനം നേടി ഏറെ മുന്നിൽ. 10 ൽ 6.817 ലൈഫ് ഇവാലുവേഷൻ സ്കോറോടെയാണ് ഈ നേട്ടം കൈവരിച്ചത്. ഗാലപ്പും യുഎൻ സസ്റ്റൈനബിൾ ഡെവലപ്‌മെന്റ് സൊല്യൂഷൻസ് നെറ്റ്‌വർക്കും സഹകരിച്ച് ഓക്‌സ്‌ഫോർഡ് സർവകലാശാലയിലെ വെൽബീയിംഗ് റിസർച്ച് സെന്റർ ആൺ ഈ റിപ്പോർട്ട് പ്രസിദ്ധീകരിച്ചത്.

മാർച്ച് 20 ന് അന്താരാഷ്ട്ര സന്തോഷ ദിനത്തോടനുബന്ധിച്ച് വർഷം തോറും പുറത്തിറക്കുന്ന ഈ റിപ്പോർട്ട് 140 ലധികം രാജ്യങ്ങളെ ഉൾക്കൊള്ളുന്ന സർവേ ഡാറ്റയെ അടിസ്ഥാനമാക്കിയുള്ളതാണ്. അമേരിക്ക (23), കാനഡ (25), യുണൈറ്റഡ് കിംഗ്ഡം (29) എന്നിവയുൾപ്പെടെ നിരവധി പ്രധാന സമ്പദ്‌വ്യവസ്ഥകളെക്കാൾ മുന്നിലാണ് സഊദി അറേബ്യ. തുടർച്ചയായ ഒമ്പതാം വർഷവും ഫിൻലാൻഡ് ഒന്നാം സ്ഥാനത്തെത്തി, തൊട്ടുപിന്നാലെ ഐസ്‌ലാൻഡും ഡെൻമാർക്കുമാണ്.

പ്രതിശീർഷ ജിഡിപി, സാമൂഹിക പിന്തുണ, ആരോഗ്യകരമായ ആയുർദൈർഘ്യം, ജീവിത തിരഞ്ഞെടുപ്പുകൾ നടത്താനുള്ള സ്വാതന്ത്ര്യം, ഔദാര്യം, അഴിമതിയെക്കുറിച്ചുള്ള ധാരണകൾ തുടങ്ങിയ പ്രധാന സൂചകങ്ങളെ അടിസ്ഥാനമാക്കിയാണ് റിപ്പോർട്ട് ജീവിത സംതൃപ്തിയെ വിലയിരുത്തുന്നത്. വേൾഡ് ഹാപ്പിനസ് റിപ്പോർട്ട് ഒരു പ്രധാന മാനദണ്ഡമായി ഉപയോഗിക്കുന്ന രാജ്യത്തിന്റെ ജീവിത നിലവാര പരിപാടിയുടെ സ്വാധീനം ഫലങ്ങൾ എടുത്തുകാണിക്കുന്നു.

ജീവിത നിലവാര മേഖലകൾ സഊദി അറേബ്യയുടെ ജിഡിപിയിലേക്ക് 20.5 ബില്യൺ ഡോളറിലധികം സംഭാവന ചെയ്തിട്ടുണ്ട്, സർക്കാരിതര നിക്ഷേപത്തിൽ 5.8 ബില്യൺ ഡോളറിലധികം ആകർഷിച്ചു, എണ്ണ ഇതര കയറ്റുമതി 5.6 ബില്യൺ ഡോളറിലധികം വർദ്ധിപ്പിച്ചു.