ന്യൂഡല്‍ഹി: എല്‍പിജി (LPG) നിയന്ത്രണത്തിന്റെ മറവില്‍ ഭക്ഷണ ബില്ലുകളില്‍ അധിക ചാര്‍ജ് ഈടാക്കുന്ന ഹോട്ടലുകള്‍ക്കും റസ്റ്റോറന്റുകള്‍ക്കുമെതിരെ കര്‍ശന നടപടിയുമായി കേന്ദ്ര ഉപഭോക്തൃ സംരക്ഷണ അതോറിറ്റി (CCPA). ഗ്യാസ് സര്‍ചാര്‍ജ്, എല്‍പിജി ചാര്‍ജ് തുടങ്ങിയ പേരുകളില്‍ ഉപഭോക്താക്കളില്‍ നിന്ന് അമിത തുക ഈടാക്കുന്നത് ശ്രദ്ധയില്‍പ്പെട്ടതിനെത്തുടര്‍ന്നാണ് ഈ നീക്കം.

നിയമവിരുദ്ധം- മുമ്പ് കേന്ദ്രം നിരോധിച്ച 'സര്‍വീസ് ചാര്‍ജിന്' സമാനമാണ് ഇത്തരം അധിക ചാര്‍ജുകളെന്ന് അതോറിറ്റി വിലയിരുത്തി. ഇത് ഉപഭോക്തൃ സംരക്ഷണ നിയമപ്രകാരം ശിക്ഷാര്‍ഹമാണ്.

ഉപഭോക്താക്കളുടെ അവകാശം- ബില്ലില്‍ ഇത്തരം അധിക ചാര്‍ജുകള്‍ കണ്ടാല്‍ അത് ഒഴിവാക്കാന്‍ ഉപഭോക്താവിന് ആവശ്യപ്പെടാം. ആരെയും അധിക തുക നല്‍കാന്‍ നിര്‍ബന്ധിക്കരുത്.

പരാതി നല്‍കാവുന്നതാണ്, ഹോട്ടലുകള്‍ തുക കുറയ്ക്കാന്‍ തയ്യാറാകാത്ത പക്ഷം ഉപഭോക്താക്കള്‍ക്ക് പരാതി നല്‍കാവുന്നതാണ്.

പരാതിപ്പെടേണ്ടത് എങ്ങനെ?

ഹെല്‍പ്പ് ലൈന്‍ നമ്പറായ 1915 എന്ന നമ്പറില്‍ വിളിച്ച് പരാതി രജിസ്റ്റര്‍ ചെയ്യാം.

ആപ്പ്/പോര്‍ട്ടല്‍- നാഷണല്‍ കണ്‍സ്യൂമര്‍ ഹെല്‍പ്പ് ലൈന്‍ ആപ്പ് വഴിയോ ഇജാഗ്രിതി (e-Daakhil) പോര്‍ട്ടല്‍ വഴിയോ ഉപഭോക്തൃ കമ്മീഷന് പരാതി നല്‍കാം.

ഗ്യാസ് ക്ഷാമം മുതലെടുത്ത് നടത്തുന്ന ഇത്തരം ചൂഷണങ്ങള്‍ക്കെതിരെ രാജ്യവ്യാപകമായി പരിശോധന കര്‍ശനമാക്കാനാണ് അതോറിറ്റിയുടെ തീരുമാനം.

The Central Consumer Protection Authority (CCPA) has warned hotels and restaurants against levying extra charges like 'Gas Surcharge' or 'LPG Charge' on food bills, calling such practices illegal and a violation of consumer rights.