വാഷിങ്ടണ്‍: ഓരോരൊ അവകാശവാദങ്ങള്‍ ഇറാന്‍ തള്ളുമ്പോഴും പുതിയ ഒരെണ്ണവുമായി രംഗത്തെത്തുകയാണ് യു.എസ് പ്രസിഡന്റ് ഡൊണാള്‍ഡ് ട്രംപ്. ഇറാന്റെ പരമോന്നത നേതാവാകാന്‍ തന്നോട് ആവശ്യപ്പെട്ടിരുന്നുവെന്നാണ് ട്രംപിന്റെ പുതിയ അവകാശ വാദം. ഇറാനുമായുള്ള ചര്‍ച്ചകള്‍ തുടരുന്നുണ്ടെന്ന് തന്റെ അവകാശ വാദം ശരിയാണെന്ന് വരുത്തിത്തീര്‍ക്കാനാണ് യു.എസ് പ്രസിഡന്റിന്റെ ശ്രമം. ചര്‍ച്ചകള്‍ നടക്കുന്നുണ്ടെന്ന ട്രംപിന്റെ വാദം ഇറാന്‍ നിഷേധിച്ചിരുന്നു. 

ALSO READ: 'പരാജയം അംഗീകരിക്കണം, ഇല്ലെങ്കില്‍ കടുത്ത ആക്രമണം' ഭീഷണിയുമായി വീണ്ടും യു.എസ്; തള്ളി ഇറാന്‍, ചര്‍ച്ചകള്‍ക്കില്ല, തിരിച്ചടി തുടരും

റിപ്പബ്ലിക്കന്‍ പാര്‍ട്ടിയുടെ ഫണ്ട് ശേഖരണ പരിപാടിയില്‍ സംസാരിക്കവെയാണ് ട്രംപ് അസാധാരണ പ്രസ്താവന നടത്തിയത്.

'ഇറാന്റെ തലവന്‍ എന്നതിനേക്കാള്‍ കുറഞ്ഞ പദവി ആഗ്രഹിച്ച ഒരു രാജ്യത്തിന്റെ തലവന്‍ ഒരിക്കലും ഉണ്ടായിട്ടില്ല,'  എന്‍.ആര്‍.സി.സി വാര്‍ഷിക ത്താഴവിരുന്നില്‍ ട്രംപ് പറഞ്ഞു. 'ഞങ്ങള്‍ അവരെ വളരെ വ്യക്തമായി കേള്‍ക്കുന്നു. അവര്‍ പറയുന്നു. എനിക്ക് അത് വേണ്ട. നിങ്ങളെ അടുത്ത സുപ്രിം നേതാവാക്കാന്‍ ഞങ്ങള്‍ ആഗ്രഹിക്കുന്നു. ഇല്ല, നന്ദി. എനിക്ക് അത് വേണ്ട.'- ട്രംപ് പറഞ്ഞു.

ALSO READ: ഇസ്റാഈലുമായി ചർച്ച നടത്തുന്നത് കീഴടങ്ങുന്നതിന് തുല്യം; ഹിസ്ബുള്ള മേധാവി നയിം ഖാസിം

ഉന്നത നേതാക്കളില്‍ പലരും ആക്രമണങ്ങളില്‍ കൊല്ലപ്പെട്ടതിത് കാരണം ഇറാനില്‍ ഒരു അധികാര ശൂന്യത നിലനില്‍ക്കുന്നു എന്ന് അന്താരാഷ്ട്ര മാധ്യങ്ങളും മറ്റും പ്രചാരണം നടത്തുന്നതിനിടയിലാണ് ഈ പരാമര്‍ശങ്ങള്‍. കഴിഞ്ഞ മാസം ആയത്തുള്ള അലി ഖാംനഈയുടെ കൊലപാതകത്തിന് പിന്നാലെ അദ്ദേഹത്തിന്റെ മകന്‍ മുജ്തബ ഖാംനഈയെ പരമോന്നത നേതാവായി തെരഞ്ഞെടുത്തിരുന്നു.  

former us president donald trump claims that iran once asked him to become its supreme leader, but he says he declined the offer.