ഗുവാഹത്തി: അസമിലെ കൊക്രജാറില്‍ ഗോവധം ആരോപിച്ച് മുസ്‌ലിങ്ങളുടെ വീടുകള്‍ക്ക് നേരെ വ്യാപക ആക്രമണം. ഗ്രാമവാസിയായ ഒരാളുടെ വീട്ടുമുറ്റത്ത് മാംസാവശിഷ്ടങ്ങള്‍ കണ്ടെത്തിയെന്ന പ്രചരണത്തെ തുടര്‍ന്നാണ് ജനക്കൂട്ടം അക്രമാസക്തരായത്. കണ്ടെത്തിയത് ഗോമാംസമാണെന്ന് ആരോപിച്ച് ഒരു കൂട്ടം അക്രമം അഴിച്ച് വിടുകയായിരുന്നു. 

സംഭവമറിഞ്ഞ് പൊലിസെത്തിയെങ്കിലും അക്രമികള്‍ പിന്തിരിഞ്ഞില്ല. പൊലിസിന്റെ സാന്നിധ്യത്തില്‍ വീടുകള്‍ തകര്‍ക്കുകയായിരുന്നു. ആക്രമണത്തിന്റെ ദൃശ്യങ്ങള്‍ പുറത്തുവന്നതോടെ വ്യാപക പ്രതിഷേധം ഉയര്‍ന്നു. വീടുകളുടെ മേല്‍ക്കൂരയും, സാധനങ്ങളും തകര്‍ക്കുന്ന ദൃശ്യങ്ങളും പുറത്ത് വന്നിട്ടുണ്ട്. 

ALSO READ: നിയമസഭാ തെരഞ്ഞെടുപ്പ്: ബിജെപിയുടെ വളർച്ച തടയാൻ യുഡിഎഫിനെ പിന്തുണയ്ക്കും; എൽഡിഎഫ് സംഘ്പരിവാറിനെ സഹായിക്കുന്നുവെന്ന് വെൽഫെയർ പാർട്ടി 

അതേസമയം ആക്രമണത്തിന് പിന്നില്‍ ബോധപൂര്‍വമായ ശ്രമങ്ങളുണ്ടെന്ന ആരോപണം ശക്തമാണ്. മാംസം മറ്റാരെങ്കിലും ഉപേക്ഷിച്ചതാകാമെന്നും, അതല്ലെങ്കില്‍ സമീപത്തെ വിവാഹ ചടങ്ങില്‍ നിന്ന് തെരുവുനായ്ക്കള്‍ കൊണ്ടുവന്നതാകാമെന്നും നാട്ടുകാര്‍ സംശയം പ്രകടിപ്പിച്ചു. 

ആക്രമണത്തില്‍ ഇതുവരെ ഏഴുപേരെ പൊലിസ് കസ്റ്റഡിയിലെടുത്തു. ഇതില്‍ മൂന്ന് സ്ത്രീകളും ഉള്‍പ്പെടും. നിലവില്‍ സ്ഥിതിഗതികള്‍ നിയന്ത്രണവിധേയമാണെന്നും കൂടുതല്‍ അക്രമങ്ങള്‍ ഒഴിവാക്കാന്‍ മേഖലയില്‍ കനത്ത പൊലിസ് സുരക്ഷ ഏര്‍പ്പെടുത്തിയിട്ടുണ്ടെന്നും അധികൃതര്‍ അറിയിച്ചു. 

in kokrajhar, assam, there were widespread attacks on muslim homes over allegations of cow slaughter. the violence was triggered by rumours that meat remains were found in a villager’s courtyard. a mob turned violent claiming it was beef.