ദുബൈ: നിലവിലെ പ്രാദേശിക വെല്ലുവിളികളെ അതിജീവിച്ച് യുഎഇ കൂടുതൽ കരുത്തോടെയും കാര്യക്ഷമതയോടെയും മുന്നേറുമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം. ഞായറാഴ്ച നടന്ന മന്ത്രിസഭാ യോഗത്തിന് ശേഷം എക്‌സിലൂടെയാണ് (X) അദ്ദേഹം രാജ്യത്തിന്റെ ദൃഢനിശ്ചയം വ്യക്തമാക്കിയത്. ഫെബ്രുവരി 28 മുതൽ ഗൾഫ് മേഖലയിലുണ്ടായ സംഘർഷങ്ങൾക്കിടയിൽ 2,300-ലധികം ഡ്രോണുകളെയും മിസൈലുകളെയും രാജ്യം വിജയകരമായി പ്രതിരോധിച്ച പശ്ചാത്തലത്തിലാണ് അദ്ദേഹത്തിന്റെ പ്രതികരണം.

ALSO READ: ​ഗൾഫ് രാജ്യങ്ങളെ ആക്രമിച്ചതിന് ഇറാൻ നഷ്ടപരിഹാരം നൽകണം: ഡോ. അൻവർ ഗർഗാഷ്

യുഎഇയുടെ വികസന മാതൃക വഴക്കത്തിലും ആധുനികതയിലും അധിഷ്ഠിതമാണെന്ന് ശൈഖ് മുഹമ്മദ് പറഞ്ഞു. "നമ്മുടെ ജനങ്ങളെയും നാട്ടിലെ താമസക്കാരെയും ഓർത്ത് അഭിമാനിക്കുന്നു. നമ്മുടെ ദേശീയ സ്ഥാപനങ്ങൾ പൂർണ്ണ കാര്യക്ഷമതയോടെയും പ്രതിരോധ സേനകൾ ഉയർന്ന പ്രൊഫഷണലിസത്തോടെയുമാണ് പ്രവർത്തിക്കുന്നത്," അദ്ദേഹം കൂട്ടിച്ചേർത്തു. രാജ്യം നേടിയെടുത്ത നേട്ടങ്ങൾ സംരക്ഷിക്കുമെന്ന പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാന്റെ പ്രതിജ്ഞാബദ്ധതയ്ക്ക് അനുസൃതമായാണ് എല്ലാ മേഖലകളും പ്രവർത്തിക്കുന്നതെന്നും അദ്ദേഹം ഓർമ്മിപ്പിച്ചു.

അടുത്ത അഞ്ച് വർഷത്തേക്കുള്ള ബഹിരാകാശ മേഖല തന്ത്രത്തിന് മന്ത്രിസഭ അംഗീകാരം നൽകി. 44 ബില്യൺ ദിർഹത്തിലധികം മൂല്യമുള്ള ഈ മേഖലയിൽ 170-ലധികം സ്ഥാപനങ്ങൾ പ്രവർത്തിക്കുന്നുണ്ട്. ഇതുവരെ 30 ഉപഗ്രഹങ്ങൾ വിക്ഷേപിച്ച യുഎഇ, അടുത്ത അഞ്ച് വർഷത്തിനുള്ളിൽ ബഹിരാകാശ രംഗത്തെ മികച്ച 10 രാജ്യങ്ങളിൽ ഒന്നാകാനാണ് ലക്ഷ്യമിടുന്നത്. ശുക്രനിലേക്കും ഛിന്നഗ്രഹ വലയത്തിലേക്കുമുള്ള പുതിയ ദൗത്യങ്ങൾ പുരോഗമിക്കുകയാണെന്നും അദ്ദേഹം അറിയിച്ചു.

sheikh mohammed affirmed that challenges will only strengthen the uae, emphasizing resilience and continued development momentum. he highlighted the nation’s commitment to progress, innovation, and stability despite regional pressures, ensuring sustained growth and confidence in future national achievements.