കാസര്‍കോട്: മൗവ്വലില്‍ വിവാഹ ആഘോഷത്തിനിടെ പടക്കം പൊട്ടിച്ചപ്പോള്‍ പന്തലിലേക്ക് തീപ്പൊരി തെറിച്ചുണ്ടായ അപകടത്തില്‍ നിന്ന് നൂറുകണക്കിന് ആളുകള്‍ രക്ഷപ്പെട്ടത് തലനാരിഴയ്ക്ക്. മീത്തല്‍ മൗവ്വല്‍ ഇബ്രാഹിമിന്റെ മകളുടെ വിവാഹ വീട്ടിലാണ് സംഭവം നടന്നത്. ചെര്‍ക്കളയില്‍ നിന്നുള്ള വരന്റെ വീട്ടുകാര്‍ എത്തിയപ്പോള്‍ ആവേശത്തോടെ പൊട്ടിച്ച പടക്കത്തില്‍ നിന്നാണ് തീ പടര്‍ന്നത്.

പടക്കത്തില്‍ നിന്നുള്ള തീപ്പൊരി പന്തലിന് മുന്നിലെ അലങ്കാരങ്ങളിലേക്ക് വീഴുകയും നിമിഷനേരം കൊണ്ട് പത്തടി ഉയരത്തില്‍ തീ ആളിപ്പടരുകയുമായിരുന്നു. ഈ സമയം നൂറുകണക്കിന് അതിഥികള്‍ പന്തലിനകത്തും പരിസരത്തുമായി ഉണ്ടായിരുന്നു. പരിഭ്രാന്തരായ ആളുകള്‍ക്കിടയില്‍ ഉടന്‍ തന്നെ നാട്ടുകാര്‍ ചേര്‍ന്ന് തീ അണച്ചതിനാല്‍ വലിയൊരു ദുരന്തം ഒഴിവായി. അലങ്കാരങ്ങള്‍ ഭാഗികമായി കത്തിയെങ്കിലും ആര്‍ക്കും പരിക്കുകള്‍ റിപോര്‍ട്ട് ചെയ്തിട്ടില്ല.

ALSO READ: അമ്മ കൊല്ലപ്പെട്ടു, പിതാവ് ജയിലിൽ; അഭയം നൽകിയ അമ്മാവൻമാർ 17-കാരിയെ പീഡിപ്പിച്ചു, സഹോദരിയെ വിറ്റു

a major tragedy was averted in kasaragod after a fire broke out at a wedding pandal when sparks from firecrackers lit to welcome the groom's party ignited the decorations.