പത്തനംതിട്ട: ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിയുടെ സംസ്ഥാനത്തെ തെരഞ്ഞെടുപ്പ് പര്യടനത്തിന് ഇന്ന് (തിങ്കള്‍) പത്തനംതിട്ട ജില്ലയിലെ അടൂരില്‍ നിന്നും തുടക്കമാകും. ഹെലികോപ്റ്റര്‍ മാര്‍ഗം അടൂരിലെത്തുന്ന രാഹുല്‍ ഗാന്ധി ഉച്ചയ്ക്ക് 12.15ന് അടൂര്‍ കെ.എസ്.ആര്‍.ടി.സി കോര്‍ണ്ണറില്‍, അടൂര്‍ നിയോജകമണ്ഡലത്തിലെ യു.ഡി.എഫ് സ്ഥാനാര്‍ഥി സി.വി ശാന്തകുമാറിന്റെ പ്രചരണാര്‍ഥം സംഘടിപ്പിക്കുന്ന പൊതുസമ്മേളനത്തില്‍ പങ്കെടുക്കും.

അടൂരിലെ സമ്മേളനത്തിനുശേഷം റോഡുമാര്‍ഗം പത്തനംതിട്ടയിലെത്തുന്ന രാഹുല്‍ ഗാന്ധി, ഉച്ചക്ക് ഒരു മണിക്ക് പത്തനംതിട്ട പഴയ ബസ്റ്റാന്റില്‍ സംഘടിപ്പിക്കുന്ന പൊതു യോഗത്തില്‍ സംസാരിക്കും. ആറന്‍ന്മുള, റാന്നി, കോന്നി, തിരുവല്ല നിയോജക മണ്ഡലങ്ങളിലെ സ്ഥാനാര്‍ഥികളുടെ പ്രചരണാര്‍ഥമാണ് രാഹുല്‍ പത്തനംതിട്ടയിലെ പൊതുയോഗത്തില്‍ സംസാരിക്കുന്നത്. തുടര്‍ന്ന് പ്രമാടം ഇന്‍ഡോര്‍ സ്റ്റേഡിയത്തില്‍ നിന്നും കോട്ടയതേക്ക് പോകുംമെന്നും ആന്റോ ആന്റണി എം.പി വാര്‍ത്താസമ്മേളനത്തില്‍ പറഞ്ഞു. യു.ഡി.എഫ് കഞ്ഞിക്കുഴി മണ്ഡലം കമ്മിറ്റി സംഘടിപ്പിക്കുന്ന പൊതുയോഗത്തില്‍ പങ്കെടുത്ത ശേഷം പുതുപ്പള്ളി, ഏറ്റുമാനൂര്‍ എന്നിവിടങ്ങളിലേക്ക് പോകും. ഇവിടെ രാഹുലിന്റെ റോഡ് ഷോ ഉണ്ടാകും. 

ALSO READ: 'റിപ്പോര്‍ട്ട് കാര്‍ഡ് റെഡി, സംവാദത്തിന് തയ്യാറാണോ?'; വി.ഡി സതീശന് മുഖ്യമന്ത്രിയുടെ മറുപടി

പത്തനംതിട്ടയിലെ അഞ്ച് നിയോജക മണ്ഡലങ്ങളിലും യു.ഡി.എഫ് സ്ഥാനാര്‍ഥികള്‍ക്ക് വലിയ മുന്നേറ്റമുണ്ടാക്കാന്‍ ഇതിനോടകം സാധിച്ചിട്ടുണ്ട്. രാഹുല്‍ ഗാന്ധിയുടെ പര്യടനം തെരഞ്ഞെടുപ്പ് പ്രചാരണങ്ങള്‍ക്ക് കൂടുതല്‍ കരുത്ത് പകരുമെന്നും ജില്ലയിലെ അഞ്ച് മണ്ഡലങ്ങളിലും യു.ഡി.എഫിന്റെ വിജയം ഉറപ്പാകുമെന്നും ആന്റോ ആന്റണി എം.പി അഭിപ്രായപ്പെട്ടു. വരുന്ന ദിവസങ്ങളില്‍ പ്രിയങ്കാഗാന്ധി ഉള്‍പ്പടെയുള്ള നേതാക്കള്‍ വിവിധ മണ്ഡലങ്ങളില്‍ പര്യടനത്തിനെത്തുമെന്നും എം.പി അറിയിച്ചു.

എ.ഐ.സി.സി സെക്രട്ടറിമാരായ രുദ്രരാജു, സരിത, കെ.പി.സി.സി ജനറല്‍ സെക്രട്ടറി പി. മോഹന്‍ രാജ്, ഡിസിസി വൈസ് പ്രസിഡന്റുമാരായ അഡ്വ. എ സുരേഷ് കുമാര്‍, അഡ്വ. വെട്ടൂര്‍ ജ്യോതിപ്രസാദ്, അഡ്വ. അനില്‍ തോമസ്, യൂത്ത് കോണ്‍ഗ്രസ് ജില്ലാ പ്രസിഡന്റ് വിജയ് ഇന്ദുചൂഡന്‍ എന്നിവരും പങ്കെടുത്തു.

With just 10 days left for polling, Rahul Gandhi is campaigning today in Pathanamthitta and Kottayam. His visit is part of intensified campaign efforts by the Congress party as the election approaches, aiming to mobilize support across key constituencies.