വാഷിംഗ്ടണ്‍: ഇറാന്റെ എണ്ണ കൈക്കലാക്കുകയാണ് ലക്ഷ്യമെന്ന് സമ്മതിച്ച് യു.എസ് പ്രസിഡന്റ് ഡൊണാള്‍ ട്രംപ്. ഫിനാന്‍ഷ്യല്‍ ടൈംസിന് നല്‍കിയ അഭിമുഖത്തിലാണ് ട്രംപ് ഇക്കാര്യം തുറന്നു പറഞ്ഞത്. പ്രസിഡന്റ് നിക്കോളാസ് മധുറോയെ പിടികൂടി വെനിസ്വലയുടെ എണ്ണക്ക് മേലുള്ള നിയന്ത്രണം അനിശ്ചിതകാലത്തേക്ക് കയ്യടക്കിയതാണ് ഇറാന്റെ കാര്യത്തിലും തങ്ങള്‍  മാതൃകയാക്കുന്നതെന്നാണ് ട്രംപ് പറഞ്ഞത്. 

'സത്യം പറഞ്ഞാല്‍, ഇറാനിലെ എണ്ണ എടുക്കുന്നതാണ് എനിക്ക് ഏറ്റവും ഇഷ്ടപ്പെട്ട കാര്യം. 'നിങ്ങള്‍ എന്തിനാണ് അങ്ങനെ ചെയ്യുന്നത്?' എന്നാണ് യു.എസിലെ ചില വിഢികള്‍ ചോദിക്കുന്നത്.  പക്ഷേ അവര്‍ മണ്ടന്മാരാണ്' ട്രംപ് പറയുന്നു. 

ALSO READ: ഇറാനിൽ കാലുകുത്തുന്ന യുഎസ് സെെനികരെ പേർഷ്യൻ കടലിലെ സ്രാവുകൾക്ക് ഭക്ഷണമാക്കും; യുഎസിന് മുന്നറിയിപ്പുമായി ഇറാൻ 

യു.എസ് സൈന്യം കുറച്ചുകൂടി കാലം ഇറാനില്‍ തുടരുമെന്ന സൂചനയും ട്രംപ് നല്‍കി. 

'ഇറാന്റെ എണ്ണ കയറ്റുമതിയുടെ 90 ശതമാനവും നടക്കുന്നത് ഖാര്‍ഗ് ഐലന്‍ഡ് വഴിയാണ്. ഈ ദ്വീപ് പിടിച്ചെടുക്കുന്നതിനെക്കുറിച്ച് ട്രംപ് സൂചിപ്പിച്ചു. 'ചിലപ്പോള്‍ നമ്മള്‍ ഖാര്‍ഗ് ഐലന്‍ഡ് പിടിച്ചെടുത്തേക്കാം, ചിലപ്പോള്‍ ഇല്ല. നമുക്ക് മുന്നില്‍ ഒരുപാട് വഴികളുണ്ട്,' എന്നാണ് അദ്ദേഹം പറഞ്ഞത്. 'അതിനര്‍ത്ഥം നമ്മള്‍ അവിടെ കുറച്ചുകാലം (ഖാര്‍ഗ് ദ്വീപില്‍) കഴിയേണ്ടിവരുമെന്നാണ്.'- ട്രംപ് പറഞ്ഞു.

ALSO READ: ഇറാനിലെ വൈദ്യുത കേന്ദ്രങ്ങള്‍ക്ക് നേരെ ആക്രമണം അഴിച്ചുവിട്ട് യു.എസ്; മണിക്കൂറുകള്‍ക്കകം പുനഃസ്ഥാപിച്ചതായി തെഹ്‌റാന്‍

ഖാര്‍ഗ് ദ്വീപിലെ പ്രതിരോധം വളരെ ദുര്‍ബലമാണെന്നും എളുപ്പത്തില്‍ പിടിച്ചെടുക്കാമെന്നുമാണ് ട്രംപ് അവകാശപ്പെടുന്നത്. 
 10,000 ത്തോളം സൈനികരെ ഇറാനിലേക്ക് അയച്ചുകൊണ്ട് പെന്റഗണ്‍ ആഴ്ചകളോളം നീണ്ടുനില്‍ക്കുന്ന കരയുദ്ധത്തിന് തയ്യാറെടുക്കുകയാണെന്ന് റിപ്പോര്‍ട്ടുണ്ടായിരുന്നു.

us president donald trump says taking iran oil is a key goal hints at possible action on kharg island and extended military presence in the region