ആലുവ: നവമാധ്യമ രംഗത്തെ സഹകരണ കൂട്ടായ്മയായ കോഓപ്പറേറ്റീവ് ഔട്ട്‌ലുക്ക് സംഘടിപ്പിച്ച 'കോഓപ്പറേറ്റീവ് ഔട്ട്‌ലുക്ക് ഫെസ്റ്റ് 2016' അവിസ്മരണീയമായി. സഹകരണ മേഖലയില്‍ പ്രവര്‍ത്തിക്കുന്നവര്‍ മുന്‍കൈയെടുത്താണ് സാമൂഹ്യ, സാംസ്‌കാരിക, രാഷ്ട്രീയ, മാദ്ധ്യമ മേഖലകളില്‍ പ്രവര്‍ത്തിക്കുന്നവരെ കോര്‍ത്തിണക്കി കോഓപ്പറേറ്റീവ് ഔട്ട്‌ലുക്ക് എന്ന കൂട്ടായ്മ രൂപീകരിച്ചത്.
എ. പി. വര്‍ക്കി മിഷന്‍ ചെയര്‍മാന്‍ അഡ്വ. എന്‍.സി. മോഹനന്‍ ഫെസ്റ്റ് ഉദ്ഘാടനം ചെയ്തു. മുതിര്‍ന്ന മാദ്ധ്യമ പ്രവര്‍ത്തകന്‍ വാസുദേവന്‍ അന്തിക്കാട് അദ്ധ്യക്ഷനായിരുന്നു. 25 പേരുടെ കവിതാ സമാഹാരം 'തുടിപ്പുകള്‍' പ്രമുഖ കാര്‍ട്ടൂണിസ്റ്റും മുന്‍ എം.എല്‍.എയുമായ അഡ്വ. എം.എം. മോനായി പ്രകാശനം ചെയ്തു. ചാന്ദ്‌നി കൃഷ്ണകുമാര്‍ പുസ്തകം ഏറ്റു വാങ്ങി.
കളമശ്ശേരി സഹകരണ ബാങ്ക് പ്രസിഡന്റ് ടി.കെ. കുട്ടി, മുപ്പത്തടം സഹകരണ ബാങ്ക് പ്രസിഡന്റ് പി. സുകുമാരന്‍ നായര്‍, കളമശ്ശേരി പ്രിന്‍സിപ്പള്‍ എസ്.ഐ ഇ.വി. ഷിബു, കവി ശ്രീമന്‍ നാരായണന്‍, കേരള ജേര്‍ണലിസ്റ്റ് യൂണിയന്‍ സംസ്ഥാന സെക്രട്ടറി കെ.സി. സ്മിജന്‍, സംഗീത സംവിധായകന്‍ നിശികാന്ത്, എന്‍.കെ. രശ്മി, വി.എന്‍. രാജന്‍, സന്തോഷ് ഇടയത്ത്, ഇട്ടൂപ്പ് കെ. അറക്കല്‍, ഷനില്‍ രാമകൃഷ്ണന്‍ എന്നിവര്‍ സംസാരിച്ചു.
മുപ്പത്തടം സര്‍വ്വീസ് സഹകരണ ബാങ്ക് സെക്രട്ടറിയും കോഓപ്പറേറ്റീവ് ഔട്ട്‌ലുക്ക് അഡ്മിനുമായ പി.എച്ച് സാബു സ്വാഗതവും സൗമ്യ ബൈജു നന്ദിയും പറഞ്ഞു.