പത്തനംതിട്ട: കേരളത്തിന്റെ വികസനത്തിന് യു.ഡി.എഫ് അധികാരത്തിൽ വരേണ്ടത് അനിവാര്യമാണെന്ന് കോൺഗ്രസ് പ്രവർത്തക സമിതിയംഗം ശശി തരൂർ. യു.ഡി.എഫ് അധികാരത്തിലെത്തിയാൽ യുവാക്കൾക്കായി കൂടുതൽ തൊഴിലവസരങ്ങൾ സൃഷ്ടിക്കും. കേരളത്തിലെ ജീവിത സാഹചര്യങ്ങൾ യുവതലമുറയുടെ അഭിരുചിക്കനുസരിച്ച് മാറ്റിയെടുക്കും. രാഹുൽ ഗാന്ധി പ്രഖ്യാപിച്ച അഞ്ചിന ഇന്ദിര ഗ്യാരണ്ടി സമൂഹത്തിൽ വിപ്ലവം സൃഷ്ടിക്കുമെന്നും ശശി തരൂർ പറഞ്ഞു.

ALSO READ: എൽഡിഎഫിന് വോട്ട് നൽകിയാൽ ഫലം ബിജെപിക്ക്; എൽ.ഡി.എഫും ബി.ജെ.പിയും ഒത്തുകളിക്കുന്നു; രേവന്ദ് രേവന്ത് റെഡ്ഡി

റാന്നി മണ്ഡലത്തെ ഇളക്കിമറിച്ചായിരുന്നു തരൂരിന്റെ റോഡ് ഷോ. യു.ഡി.എഫ് സ്ഥാനാർഥി അഡ്വ. പഴകുളം മധുവിന്റെ തെരഞ്ഞെടുപ്പ് പ്രചാരണാർഥം പ്ലാച്ചേരി ജങ്ഷനിൽനിന്ന് ആരംഭിച്ച റോഡ് ഷോയിൽ നൂറുകണക്കിന് വാഹനങ്ങൾ അകമ്പടിയായി. പ്ലാച്ചേരി മുതൽ ഉതിമൂട് വരെ 15 കിലോമീറ്റർ പാതയുടെ ഇരുവശങ്ങളിലുമായി ആയിരക്കണക്കിന് ആളുകൾ റോഡ് ഷോ കാണാൻനിന്നു. റാന്നിയുടെ വികസനത്തിനായി അഡ്വ. പഴകുളം മധുവിന്റെ നേതൃത്വത്തിൽ തയാറാക്കിയ മാസ്റ്റർ പ്ലാനിന്റെ പ്രകാശനവും ശശി തരൂർ നിർവഹിച്ചു.