ന്യൂഡല്‍ഹി: അതിര്‍ത്തി കാക്കുന്ന ജവാന്മാരോടുള്ള ഒരു ടിടിഇയുടെ കരുതല്‍ സമൂഹമാധ്യമങ്ങളില്‍ തരംഗമാകുന്നു. ട്രെയിനില്‍ റിസര്‍വേഷന്‍ ലഭിക്കാത്തതിനെ തുടര്‍ന്ന് ടോയ്‌ലറ്റിന് സമീപം തറയില്‍ കിടന്നുറങ്ങിയ രണ്ട് പട്ടാളക്കാര്‍ക്കാണ് ടിടിഇ (TTE) മുന്‍കൈ എടുത്ത് സീറ്റുകള്‍ ഉറപ്പാക്കിയത്. ഇതിന്റെ വിഡിയോ വൈറലായതോടെ ടിടിഇയുടെ ഈ പ്രവര്‍ത്തിക്ക് വലിയ പ്രശംസയാണ് ലഭിക്കുന്നത്.

ലോകം യുദ്ധഭീതിയുടെ നിഴലില്‍ നില്‍ക്കുന്ന വേളയില്‍, സ്വന്തം സുഖസൗകര്യങ്ങള്‍ മാറ്റിവച്ച് രാജ്യത്തിനായി സേവനം ചെയ്യുന്നവരോടുള്ള ആദരവാണ് ഈ വിഡിയോയില്‍ തെളിയുന്നത്.  തിരഞ്ഞെടുപ്പ് ഡ്യൂട്ടിക്കായി അടിയന്തരമായി നിയോഗിക്കപ്പെട്ടവരായിരുന്നു ഈ ജവാന്മാര്‍. പെട്ടെന്ന് യാത്ര തിരിക്കേണ്ടി വന്നതിനാല്‍ അവര്‍ക്ക് സീറ്റുകള്‍ റിസര്‍വ് ചെയ്യാന്‍ സാധിച്ചിരുന്നില്ല.

രാത്രി ട്രെയിനില്‍ പരിശോധനയ്ക്കിടെയാണ് തറയില്‍ കിടന്നുറങ്ങുന്ന ജവാന്മാരെ ടിടിഇ ശ്രദ്ധിച്ചത്. അവരെ വിളിച്ച് എഴുന്നേല്‍പ്പിച്ചപ്പോള്‍ അവര്‍ തങ്ങളുടെ ഐഡന്റിറ്റി കാര്‍ഡുകള്‍ കാണിച്ചു. സാഹചര്യം മനസ്സിലാക്കിയ അദ്ദേഹം അവര്‍ക്ക് മാന്യമായി വിശ്രമിക്കാന്‍ രണ്ട് ബര്‍ത്തുകള്‍ ഉടന്‍ തന്നെ സംഘടിപ്പിച്ചു നല്‍കി.

 ALSO READ: തലസ്ഥാനം പിടിക്കാൻ പ്രിയങ്ക; വട്ടിയൂർക്കാവിലും കൊല്ലത്തും പൊതുസമ്മേളനങ്ങൾ; ആവേശത്തിൽ യു.ഡി.എഫ് ക്യാമ്പ്

'അവര്‍ അത് അര്‍ഹിക്കുന്നു' എന്നായിരുന്നു വിഡിയോ കണ്ട ഭൂരിഭാഗം പേരുടെയും അഭിപ്രായം. രാജ്യത്തിന്റെ കാവല്‍ക്കാര്‍ക്ക് നല്‍കേണ്ട മിനിമം ആദരവാണിതെന്നും ടിടിഇയുടെ മനസ്സ് കാണാതെ പോകരുതെന്നും നെറ്റിസണ്‍സ് കുറിച്ചു.

A video of a TTE arranging berths for two soldiers, who were sleeping near a train toilet due to lack of reservation while travelling for urgent election duty, has gone viral, winning hearts online.