ന്യൂഡൽഹി: ശബരിമല യുവതീപ്രവേശന കേസ് പരി​ഗണിക്കുന്നതിനായി സുപ്രീം കോടതി ഒൻപതംഗ ഭരണഘടനാ ബെഞ്ച് രൂപീകരിച്ചു. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചിലെ ബെഞ്ചിലെ ഏക വനിതാ സാന്നിധ്യം ജസ്റ്റിസ് ബി.വി. നാഗരത്നയാണെന്നാണ് സൂചന.

ഏപ്രിൽ ഏഴു മുതലാണ് വാദം കേൾക്കൽ ആരംഭിക്കുന്നത്. ഏപ്രിൽ 7, 8, 9 തീയതികളിൽ യുവതീപ്രവേശനത്തെ എതിർക്കുന്നവരുടെ വാദം കേൾക്കും. തുടർന്ന്, ഏപ്രിൽ 14, 15, 16 തീയതികളിലാണ് യുവതീപ്രവേശനത്തെ അനുകൂലിക്കുന്നവരുടെ വാദങ്ങൾ കേൾക്കുക.

ALSO READ: വെറും വെടിനിർത്തലല്ല, വേണ്ടത് ശാശ്വത പരിഹാരം: നിലപാട് വ്യക്തമാക്കി ഇറാൻ വിദേശകാര്യ മന്ത്രി

ജസ്റ്റിസ് എം.എം സുന്ദരേഷ്, ജസ്റ്റിസ് എ. അമാനുള്ള, ജസ്റ്റിസ് ആരവിന്ദ് കുമാർ, ജസ്റ്റിസ് എ.ജെ മസീഹ്, ജസ്റ്റിസ് പി.ബി വരാലെ, ജസ്റ്റിസ് ആർ. മഹാദേവൻ, ജസ്റ്റിസ് ജോയ്‌മാല ബാഗ്‌ചി എന്നിവരാണ് ബെഞ്ചിലെ മറ്റ് അം​ഗങ്ങൾ.