മലപ്പുറം: മാറാട് കലാപ കാലത്ത് യുഡിഎഫും, ആര്‍എസ്എസും തമ്മില്‍ ഡീലുണ്ടാക്കിയെന്ന ആരോപണവുമായി സിപിഎം സംസ്ഥാന കമ്മിറ്റി അംഗം പി ജയരാജന്‍. കോഴിക്കോട് ഗസ്റ്റ് ഹൗസില്‍ എകെ ആന്റണിയും, പികെ കുഞ്ഞാലിക്കുട്ടിയും, ആര്‍എസ്എസ് നേതാക്കളും ചേര്‍ന്നാണ് ഡീല്‍ ഉണ്ടാക്കിയതെന്നും ജയരാജന്‍ പറഞ്ഞു. പൊന്നാനി വെളിയംകോട് ഇടതു സ്ഥാനാര്‍ഥി എംകെ സക്കീറിന്റെ പ്രചരണ വേദിയിലാണ് ജയരാജന്റെ ആരോപണം. 

ഡീലിന് പിന്നാലെ സിബിഐ അന്വേഷണമെന്ന ആവശ്യത്തില്‍ നിന്ന് ബിജെപി പിന്‍മാറി. ഹിന്ദു രാഷ്ട്രവാദികള്‍ക്ക് സഹായകരമായ നിലപാടാണ് ലീഗും ജമാഅത്ത് ഇസ്‌ലാമിയും സ്വീകരിക്കുന്നതെന്നും ജയരാജന്‍ കൂട്ടിച്ചേര്‍ത്തു. 

ALSO READ: ബിജെപി അധികാരത്തിലെത്തിയാല്‍ വര്‍ഷത്തില്‍ രണ്ട് ഗ്യാസ് സിലിണ്ടറുകള്‍ സൗജന്യം; വാഗ്ദാനവുമായി അസം മുഖ്യമന്ത്രി 

നിയമസഭാ തെരഞ്ഞെടുപ്പില്‍ പരസ്പരം ഡീല്‍ ആരോപണങ്ങളുമായി മുന്നണികള്‍ മത്സരിക്കുകയാണ്. ബിജെപിയും, സിപിഎമ്മും തമ്മില്‍ ഡീലുണ്ടെന്ന് യുഡിഎഫ് ആരോപിക്കുമ്പോള്‍, ബിജെപി-കോണ്‍ഗ്രസ്-ആര്‍എസ്എസ് ഡീല്‍ ആരോപണവുമായി സിപിഎമ്മും രംഗത്തുണ്ട്.

P. Jayarajan, a state committee member of the CPI(M), alleged that during the Marad riots, there was a deal between the UDF and the RSS.