തൃശൂർ: വാടാനപ്പള്ളിയിൽ ബിജെപിയുടെ കിറ്റ് വിതരണത്തിൽ പ്രതിഷേധിച്ച കോൺഗ്രസ് നേതാക്കൾക്കെതിരെ കേസ്. മണലൂർ യുഡിഎഫ് സ്ഥാനാർഥി ടിഎൻ പ്രതാപൻ ഉൾപ്പെടെയുള്ള അഞ്ച് പേർക്കെതിരെയാണ് കേസെടുത്തിരിക്കുന്നത്. ഇവരെ കസ്റ്റഡിയിലെടുത്ത ശേഷം ജാമ്യത്തിൽ വിട്ടു. 

ഇന്ന് ഉച്ചയോടെയാണ് ഒളരിയിലെ കാർത്തിക സൂപ്പർമാർക്കറ്റിൽ കിറ്റുകൾ വിതരണം ചെയ്യുന്നതായി പരാതി ഉയർന്നത്. വിവരമറിഞ്ഞെത്തിയ എൽ.ഡി.എഫ്- യുഡിഎഫ് പ്രവർത്തകർ സ്ഥലത്തെത്തി കിറ്റ് വിതരണം തടഞ്ഞിരുന്നു.  പരാതിയെ തുടർന്ന് തെരഞ്ഞെടുപ്പ് ഉദ്യോഗസ്ഥർ ഒളരിയിലെ കാർത്തിക സൂപ്പർമാർക്കറ്റ് താത്കാലികമായി അടച്ച് സീൽവച്ചു. കിറ്റുകൾ പിടിച്ചെടുത്തു. 

900 രൂപയുടെ 18 ഇനങ്ങളടങ്ങിയ 26 കിറ്റുകളാണ് തയാറാക്കിയിരുന്നത്. ഒളരി ശിവരാമപുരം ഉന്നതിയിലെ വീട്ടുകാരാണ് കിറ്റ് കൈപറ്റാനെത്തിയത്. വിവരമറിഞ്ഞെത്തിയ എൽ.ഡി.എഫ് നേതാക്കളായ വി.എസ് സുനിൽകുമാർ, അനൂപ് ഡേവീസ് കാട, കെ.എസ് സെന്തിൽകുമാർ എന്നിവരെത്തിയാണ് കിറ്റ് വിതരണം തടഞ്ഞത്.

ALSO READ: ഇറാനിലെ അഹ്‌വാസ് വിമാനത്താവളത്തിന് നേരെ യുഎസ്-ഇസ്റാഈൽ ആക്രമണം; മേഖലയിൽ യുദ്ധഭീതി ശക്തം 

case has been registered against Congress leaders who protested against the kit distribution by the Bharatiya Janata Party in Vadanappally.