മലപ്പുറം: ത്യാഗസന്നദ്ധതയുടെ ബലി പെരുന്നാള്‍ ദിനത്തില്‍ അമ്മത്തൊട്ടിലിലെ ബാല്യങ്ങള്‍ക്കൊപ്പം സുന്നി ബാല വേദി വിദ്യാര്‍ഥികളുടെ പെരുന്നാള്‍ ആഘോഷം. സംസ്ഥാന ശിശു ക്ഷേമ വകുപ്പിനു കീഴില്‍ കാളമ്പാടിയില്‍ പ്രവര്‍ത്തിക്കുന്ന അമ്മത്തൊട്ടിലിലെ പിഞ്ചു കുട്ടികള്‍ക്കൊപ്പമാണ് എസ്.ബി.വി ഈസ്റ്റ് ജില്ലാ കമ്മിറ്റി ഭാരവാഹികള്‍ പെരുന്നാള്‍ ആഘോഷിച്ചത്.
ജില്ലാ ഭാരവാഹികളായ അലവിക്കുട്ടി ഫൈസി, സഫറുദ്ദീന്‍ പൂക്കോട്ടൂര്‍, മുബാറക്ക് കൊട്ടപ്പുറം, അംജദ് തിരൂര്‍ക്കാട്, സയ്യിദ് സ്വദഖത്തുള്ള തങ്ങള്‍, ജവാദ് നിലമ്പൂര്‍, ഫവാസ് കരിങ്കല്ലത്താണി നേതൃത്വം നല്‍കി